തിരുവനന്തപുരം: പൊട്ടത്തരം വിളിച്ചു പറയുന്നതില്‍ രാഷ്ട്രീയ പ്രവര്‍ത്തകര്‍ക്ക് ഒരു പിശുക്കുമില്ല. പല പ്രസ്താവനകളുമിറക്കി വിമര്‍ശനങ്ങളും പരിഹാസങ്ങളും വാരി കൂട്ടുന്നുമുണ്ട്. ഇത്തവണ സോഷ്യല്‍ മീഡിയക്കാര്‍ക്ക് ഇരയായത് സിപിഐ നേതാവ് പന്ന്യന്‍ രവീന്ദ്രനാണ്.
ശ്രീരാമന്റെ കാലം മുതല്‍ക്കേ വിമാനം ഉണ്ടായിരുന്നുവെന്ന പന്ന്യന്റെ പ്രസ്താവനയാണ് ഇപ്പോള്‍ വൈറലായിരിക്കുന്നത്. ത്രേതായുഗത്തില്‍ വിമാനം ഉണ്ടായിരുന്നു. അന്ന് ഉപയോഗിച്ചിരുന്ന ആയുധങ്ങളുടെയും അത്തരം കണ്ടുപിടുത്തങ്ങളുടെയും വളര്‍ച്ചയാണ് ഇപ്പോഴുള്ള ടെക്നോളജിയെന്നും പന്ന്യന്‍ രവീന്ദ്രന്‍ പറയുന്നു. ഒരു ചാനലില്‍ രാഹുല്‍ ഈശ്വറുമായി പന്ന്യന്‍ നടത്തിയ അഭിമുഖത്തിലാണ് പന്ന്യന്‍ ഇത്തരം പരാമര്‍ശങ്ങള്‍ നടത്തിയത്.
പുരാണ കഥകളിലെ അസ്ത്രങ്ങള്‍ നന്മകള്‍ നിറഞ്ഞതായിരുന്നുവെന്നും ഇവയൊക്കെ ഒരുപാട് കാലം ആലോചിച്ച് എടുത്ത കണ്ടുപിടുത്തങ്ങളായിരുന്നുവെന്നും പന്ന്യന്‍ വിശദീകരിച്ചു.
Post Your Comments