ഉറങ്ങിക്കിടന്ന കുഞ്ഞിനെ തെരുവുനായ കടിച്ചുകൊണ്ടുപോയി

കൊല്ലം: തെരുവുനായ ശല്യം വീണ്ടും കുഞ്ഞുങ്ങളുടെ കാലനാകുന്നു. തെരുവുനായകളുടെ കടിയേറ്റ് നിരവധി കുട്ടികള്‍ ഇതിനോടകം ആശുപത്രിയിലായിട്ടുണ്ട്. സമാനമായ സംഭവം കൊല്ലം ചവറയിലും നടന്നു. ഉറങ്ങിക്കിടന്ന കുഞ്ഞിനെയാണ് തെരുവുനായ കടിച്ചത്.

ഉറക്കത്തിലായിരുന്ന കുഞ്ഞിനെ തെരുവുനായ കടികൊണ്ടുപോകുകയായിരുന്നു. ഒരു വയസുള്ള കുഞ്ഞിനെ നായ കടിച്ചെടുത്ത് വേലിക്കെട്ടിന് അടുത്തുവരെ കൊണ്ടുപോയി. തലനാരിഴയ്ക്കാണ് കുഞ്ഞിന്റെ ജീവന്‍ രക്ഷിക്കാനായത്.

ഗുരുതര മുറിവുകളോടെ കുഞ്ഞിനെ ആശുപത്രിയില്‍ പ്രവേശിപ്പിച്ചിരിക്കുകയാണ്. കുഞ്ഞിന്റെ ദേഹത്ത് ആഴത്തിലുള്ള മുറിവേറ്റിട്ടുണ്ടെന്നാണ് വിവരം.