റഷ്യന്‍ പ്രസിഡന്റ് വ്ലാഡിമര്‍ പുടിനെ ബഹുമാനിക്കുന്നു- ഡോണള്‍ഡ് ട്രംപ്

ഹൂസ്റ്റണ്‍ ; ‘കൊലയാളി’ ആണെങ്കിലും റഷ്യന്‍ പ്രസിഡന്റ് വ്ലാഡിമര്‍ പുടിനെ ബഹുമാനിക്കുന്നുവെന്ന് ട്രംപ്.ഫോക്സ് ന്യൂസിന് നല്‍കിയ അഭിമുഖത്തിനിടെയാണ് ട്രംപ് ഇങ്ങനെ പറഞ്ഞത്.എന്നാൽ അവതാരകന്റെ ചോദ്യത്തിന് മാത്രമാണ് ട്രംപ് ഇങ്ങനെ മറുപടി കൊടുത്തത്.പുടിനെ ശരിക്കും ബഹുമാനിക്കുന്നുണ്ടോ എന്നായിരുന്നു അവതാരകന്റെ ചോദ്യം. ഉണ്ടെന്ന് പറഞ്ഞ ട്രംപ്, പുടിന്‍ കൊലയാളിയാണെന്ന് അവതാരകന്‍ പറഞ്ഞപ്പോള്‍, ‘ഞങ്ങള്‍ക്കും നിരവധി കൊലയാളികള്‍ ഉണ്ട്. നമ്മുടെ രാജ്യത്ത് ഉള്ളവരെല്ലാം നിഷ്കളങ്കര്‍ ആണെന്നാണോ നിങ്ങള്‍ കരുതുന്നത്’ എന്ന് തിരിച്ചു ചോദിക്കുകയായിരുന്നു.പുടിന്‍ അദ്ദേഹത്തിന്റെ രാജ്യത്തിന്റെ നേതാവാണ്. റഷ്യയില്‍ നിന്നു അകലം പാലിക്കുന്നതിനേക്കാള്‍ നല്ലത്, നല്ല ബന്ധം നിലനിര്‍ത്തുന്നതാണ് എന്നാണ് എന്റെ അഭിപ്രായം. എന്നും ട്രംപ് കൂട്ടിച്ചേർത്തു.ഇസ്‍ലാമിക് സ്റ്റേറ്റ് ഭീകരര്‍ക്കെതിരെ പോരാടാന്‍ റഷ്യയുമായി യോജിച്ചു പോകാന് തയ്യാറാണെന്ന് ട്രംപ് പറഞ്ഞു.