പൊന്നോമന ജനിച്ചതോടെ അമ്മ മറവിയിലാണ്ടു: പിന്നീട് നടന്നത് ആരുടേയും കണ്ണ് നനയ്ക്കും

കഴിഞ്ഞകാല ജീവിതം മറന്നുപോകുന്ന അവസ്ഥ ഏറ്റവും ദുഖകരമാണ്. എന്നാൽ തന്റെ പൊന്നോമന പുത്രന്റെ ജനനത്തോടെ ഓർമ നഷ്ടപ്പെടുന്നത് ഒരു അമ്മയ്ക്കാണെങ്കിലോ. അത് അതിലും വലിയ വേദനയായിരിക്കും. മുപ്പത്തിയഞ്ചുകാരിയായ ബെർനാഡെറ്റ് സ്ട്രേഞ്ചിന് സംഭവിച്ചതും അതാണ്. തന്റെ പൊന്നോമന പുത്രൻ എ​ലിജാ പിറന്നതോടെ ബെർനാഡെറ്റിന് തന്റെ ഓർമയും നഷ്‌പ്പെട്ടു.

പ്രസവവേദന ലഘൂകരിക്കാൻ നൽകിയ അനസ്തേഷ്യ ബെർനഡെറ്റിന്റെ ശരീരത്തിൽ വിപരീതമായി പ്രവർത്തിച്ചതോടെയാണ് ഓർമ നഷ്ടപ്പെട്ടത്. ഇതിന്റെ ഫലമായി മെനിഞ്ചൈറ്റിസും(മസ്തിഷ്ക രോഗം) ബാധിച്ചിരുന്നു. തുടർന്ന് കോമയിലാഴ്ന്ന ബെർനഡെറ്റിന് കുറച്ച് ദിവസങ്ങൾക്കുള്ളിൽ ബോധം തിരിച്ചുകിട്ടി. ചിലപ്പോഴൊക്കെ തന്റെ പേര് മാത്രം ഓർമ വരുമ്പോഴും താൻ ആശുപത്രിയിൽ എത്തിയത് എന്തിനാണെന്ന് അവൾക്ക് ബോധ്യം ഉണ്ടായിരുന്നില്ല . താനൊരു പൊന്നോമനയ്ക്കു ജന്മം നല്‍കിയ കാര്യവും പാടേ മറന്നു.