അഹമ്മദാബാദ്: കഴിഞ്ഞ രണ്ടു ദിവസത്തിനിടെ ഗുജറാത്ത് തീരത്തുനിന്ന് നാല് ബോട്ടുകൾ കണ്ടെത്തിയതിനെ തുടർന്ന് അതിര്‍ത്തിയില്‍ സുരക്ഷ ശക്തമാക്കി. കൊട്ടേശ്വര്‍, സര്‍ക്രീക്ക് മേഖലകളിലാണ് ഉപേക്ഷിക്കപ്പെട്ട നിലയില്‍ ബോട്ടുകള്‍ കണ്ടെത്തിയത്. മല്‍സ്യം പാകം ചെയ്തതിന്റെ അവശിഷ്ടങ്ങളും പാചക ഉപകരണങ്ങളും ബോട്ടില്‍നിന്ന് ലഭിച്ചതായി ബിഎസ്എഫ് അറിയിച്ചു.
കൂടുതല്‍ ബോട്ടുകള്‍ ഉപേക്ഷിച്ചിട്ടുണ്ടോയെന്ന് മനസിലാക്കുന്നതിനായി തിരച്ചില്‍ ശക്തമാക്കിയിട്ടുണ്ട്. അതേസമയം ബോട്ടിലെ യാത്രക്കാരെ കണ്ടെത്താനും തിരച്ചിൽ നടക്കുന്നുണ്ട്. ഗുജറാത്ത് തീരത്തുനിന്ന് നേരത്തെയും പാക്കിസ്ഥാനി ബോട്ടുകള്‍ ഉപേക്ഷിക്കപ്പെട്ട നിലയില്‍ കണ്ടെത്തിയിരുന്നു.
Post Your Comments