രണ്ട് പുതിയ സൗകര്യങ്ങൾ കൂടി കൂട്ടിച്ചേർക്കാനൊരുങ്ങി വാട്ട്സ്ആപ്പ്

ഉപഭോക്താക്കള്‍ക്ക് ഉപയോഗപ്രദമാകുന്ന പുതിയ രണ്ട് സൗകര്യങ്ങൾ കൂടി കൂട്ടിച്ചേർക്കാനൊരുങ്ങി വാട്ട്സ്ആപ്പ്. ലൈവ് ലൊക്കേഷന്‍ ഷെയറിംഗ് എന്ന പുത്തന്‍ സംവിധാനമാണ് ഇതിലൊന്ന്. നമ്മുടെ വാട്‌സാപ്പ് സുഹൃത്തുക്കള്‍ എവിടെയാണ് നില്‍ക്കുന്നത് എന്ന് മനസിലാക്കാൻ ഈ ഫീച്ചർ ഉപയോഗിക്കാം. പുതിയ പതിപ്പിൽ ഷോ മൈ ഫ്രണ്ട്‌സ് എന്ന ഒപ്ഷനു താഴെയാവും ഇങ്ങനെയൊരു കൂട്ടിച്ചേര്‍ക്കല്‍ ഉണ്ടാവുക. സുഹൃത്തുക്കളെ അവരുടെ അനുവാദത്തോട് കൂടി ട്രാക്ക് ചെയ്യാൻ ഇതിലൂടെ സാധിക്കും.

രണ്ടാമത്ത മാറ്റം സ്റ്റാറ്റസ് ഫീച്ചറിലാണ്. കൂട്ടുകാര്‍ സ്റ്റാറ്റസ് മാറ്റിയാലുടന്‍ നമുക്ക് നോട്ടിഫിക്കേഷന്‍ ലഭിക്കുന്ന സംവിധാനമാണ് ഇതിൽ ഒരുക്കിയിരിക്കുന്നത്. ഒരു ദിവസം കഴിയുമ്പോള്‍ തനിയെ ഡിലീറ്റാകുന്ന സ്റ്റാറ്റസുകളും ഇതിൽ ഉപയോഗിക്കാനാകും.