റിയാദ്•സൗദി അറേബ്യന്‍ നാവിക സേനയുടെ പട്രോളിംഗ് കപ്പലിന് നേരെ ഹൂത്തി വിമതര്‍ നടത്തിയ ചാവേര്‍ ബോട്ടാക്രമണത്തില്‍ രണ്ട്പേര്‍ കൊല്ലപ്പെട്ടു. യമനിലെ ഹോദൈദ തുറമുഖത്ത് വച്ചാണ് സംഭവം. യമനി തീരത്ത്‌ പട്രോളിംഗ് നടത്തുന്നതിനിടെയാണ് ആക്രമണമുണ്ടായത്.
ആക്രമണത്തിനെത്തിയ ചാവേര്‍ ബോട്ടുകളില്‍ ഒന്ന് കപ്പലിന്റെ പുറകിലിടിച്ച് പൊട്ടിത്തെറിയ്ക്കുകയും കപ്പലിന് തീപിടിക്കുകയും ചെയ്തു. എന്നാല്‍ നാവികര്‍ ഉടന്‍ തീ നിയന്ത്രണവിധേയമാക്കി. സംഭവത്തില്‍ രണ്ട് നാവികര്‍ കൊല്ലപ്പെടുകയും മൂന്ന് പേര്‍ക്ക് പരിക്കേല്‍ക്കുകയും ചെയ്തു. പരിക്കേറ്റവരെ ആശുപത്രിയില്‍ പ്രവേശിപ്പിച്ചു.
പിന്നീട് സൗദി കപ്പല്‍ പട്രോളിംഗ് തുടര്‍ന്നതായും സഖ്യസേനയുടെ വ്യോമ-നാവിക സേനകള്‍ മറ്റു രണ്ടു ബോട്ടുകളെ പിന്തുടര്‍ന്നതായും സഖ്യസേന അറിയിച്ചു.
Post Your Comments