തൃശൂര്‍ : തൃശൂര്‍ മെഡിക്കല്‍ കോളജില്‍ വിദ്യാര്‍ഥിനിയെ പീഡിപ്പിക്കാന്‍ ശ്രമിച്ച അസിസ്റ്റന്റ് പ്രൊഫസര്‍ ഹബീബ് മുഹമ്മദിനെ പോലീസ് അറസ്റ്റു ചെയ്തു. കോളജില്‍ വൈസ് പ്രിന്‍സിപ്പലിന്റെ നേതൃത്വത്തില്‍ നടന്ന യോഗത്തിലും ഇയാള്‍ക്കെതിരെ വകുപ്പുതല നടപടി വേണമെന്ന ആവശ്യമുയര്‍ന്നു. നേരത്തെ കോഴിക്കോട് മെഡിക്കല്‍ കോളേജിലും സമാനമായ പരാതിയില്‍ നടപടി നേരിട്ട വ്യക്തിയാണ് ഹബീബ് മുഹമ്മദ്. ജാമ്യമില്ലാ വകുപ്പ് പ്രകാരമാണ് പോലീസ് ഇയാള്‍ക്കെതിരേ കേസെടുത്തിരിക്കുന്നത്. അതേസമയം അദ്ധ്യാപകനെ ഡ്യൂട്ടിയില്‍ നിന്ന് മാറ്റിനിര്‍ത്തണമെന്ന് ആവശ്യപ്പെട്ട് വിദ്യാര്‍ഥികള്‍ പഠിപ്പ് മുടക്കി.
ഓപ്പറേഷന്‍ തിയറ്ററിനുള്ളില്‍ വെച്ചാണ് ഹബീബ് മുഹമ്മദ് വിദ്യാര്‍ഥിനിയെ പീഡിപ്പിക്കാന്‍ ശ്രമിച്ചത്. സംഭവവുമായി ബന്ധപ്പെട്ട് വിദ്യാര്‍ഥിനി മെഡിക്കല്‍ കോളജ് പോലീസ് സ്റ്റേഷനില്‍ നല്‍കിയ പരാതിയെ തുടര്‍ന്നാണ് അറസ്റ്റ്. 354, 354 എ വകുപ്പുകള്‍ പ്രകാരമാണ് കേസ്. അതേസമയം അന്വേഷണം പൂര്‍ത്തിയായി തീരുമാനം അറിയുന്നത് വരെ അദ്ധ്യാപകനെ ഡ്യൂട്ടിയില്‍ നിന്ന് മാറ്റിനിര്‍ത്തണമെന്ന് ആവശ്യപ്പെട്ടായിരുന്നു വിദ്യാര്‍ഥികളുടെ പ്രതിഷേധം. ഹബീബ് മുഹമ്മദിന്റെ കോലവും വിദ്യാര്‍ഥികള്‍ കത്തിച്ചു.
Post Your Comments