പിടിക്കാനൊരുങ്ങുന്ന കടുവയെ കബളിപ്പിക്കുന്ന താറാവിന്റെ വീഡിയോ വൈറലാകുന്നു. ഓസ്‌ട്രേലിയയിലെ സിംബിയോ വൈല്‍ഡ് ലൈഫ് പാര്‍ക്ക് എന്ന കാഴ്ച്ച ബംഗ്ലാവിലാണ് സംഭവം നടന്നത്. ഒരു കൊച്ചു കൃത്രിമ തടാകത്തില്‍ നീന്തിത്തുടിക്കുന്ന താറാവിനു നേരെ ഒരു കടുവ നീന്തിയടുക്കുന്ന കാഴ്ച്ചയോടെയാണ് വീഡിയോ ആരംഭിക്കുന്നത്. കടുവ തൊട്ടടുത്തെത്തുമ്പോള്‍ താറാവ് മുങ്ങും. പല തവണ ഇതാവര്‍ത്തിക്കുമ്പോള്‍ അരിശം പൂണ്ട കടുവ താറാവിനു നേരെ ചാടുന്നു.
താറാവ് വളരെ വിദഗ്ധമായി മുങ്ങിയ ശേഷം വേറെയൊരിടത്ത് പൊങ്ങുന്നു. അവസാനം താറാവിനെ പിടിക്കാനാവാതെ കടുവയ ഇളിഭ്യനായി തടാകത്തില്‍ നിന്നും കയറിപ്പോകുന്നു. സംഭവം തടാകത്തിലായതിനാലാണ് താറാവിന് രക്ഷപ്പെടാനായത്. സിംബിയോ വൈല്‍ഡ് ലൈഫ് പാര്‍ക്കിന്റെ ഔദ്യോഗിക ഫെയ്‌സ്ബുക്ക് പേജിലൂടെയാണ് വീഡിയോ പുറത്തു വന്നത്.
Post Your Comments