കടുത്ത മഞ്ഞുവീഴ്ച്ച : ജനങ്ങൾ ദുരിതത്തിൽ

ശ്രീനഗർ : കടുത്ത മഞ്ഞുവീഴ്ച്ചയെ തുടർന്ന് ദുരിതത്തിലായി ജനങ്ങൾ. കഴിഞ്ഞ രാത്രി അനുഭവപ്പെട്ട രൂക്ഷമായ മഞ്ഞുവീഴ്ചയെ തുടർന്നാണ് കാഷ്മീർ താഴ്വരയിൽ ജനജീവിതം ബുദ്ധി മുട്ടിലായത്.  എല്ലാ ഗതാഗതമാർഗ്ഗങ്ങളും നിലച്ചതോടെ കാശ്മീർ ഇപ്പോൾ ഒറ്റപ്പെട്ട സ്‌ഥിതിയിലാണ്.

ചൊവ്വാഴ്ച 0.4 ഡിഗ്രിയായിരുന്ന താപനില ബുധനാഴ്ച പുലർച്ചയോടെ മൈനസ് 2.5 ഡിഗ്രിയിലെത്തി നിൽക്കുന്നു. 24 മണിക്കൂറിനിടെ ശ്രീനഗറിൽ മാത്രം ഒൻപത് സെന്റിമീറ്റർ മഞ്ഞുവീഴ്ച്ച ഉണ്ടായെന്ന് കാലാവസ്‌ഥാ നിരീക്ഷണ കേന്ദ്രം റിപ്പോർട്ട് ചെയുന്നു. ഗുൽമർഗ്, പാൽഗാം എന്നിവടങ്ങളിലും രൂക്ഷമായ മഞ്ഞുവീഴ്ച്ച ഉണ്ടായി.