ഗുരുവായൂർ ദേവസ്വത്തിൽ അനധികൃതമായി സസ്‌പെൻഷൻ ചെയ്തതായി ആരോപണം

ദേവസ്വം ഇലക്ട്രിക്കൽ വിഭാഗത്തിൽ യോഗ്യത ഇല്ലാതെ പ്രവർത്തിച്ച് വരുന്നവരെ ചീഫ് ഇലട്രിക്കൽ ഇൻസ്പെക്ടറേറ്റിന്റെ മാനദണ്ഡം പാലിച്ച് പിരിച്ച് വിടണം എന്നും തരംതാഴ്ത്തണമെന്നും ആവശ്യപ്പെട്ട് ഭവദാസ് ഹൈക്കോടതിയിൽ റിട്ട് ഹർജി ഫയൽ ചെയ്തിട്ടുണ്ട്. ഇത് പല ഉന്നത ഉദ്യോഗസ്ഥരെയും ബാധിക്കുന്നതാണ്.
ഗുരുവായൂർ കെ എസ് ഇ ബി – യിൽ ദേവസ്വത്തിന്റെ ഏതെങ്കിലും കണക്ഷന്റെ പണമടക്കാതെ വന്നാൽ അസിസ്റ്റന്റ് എൻജിനീയർ പി.രവീന്ദ്രനെ വിളിച്ചു പറയുകയാണ് പതിവ്.

ഗുരുവായൂർ ദേവസ്വത്തിന്റെ ചരിത്രത്തിൽ ആദ്യമായിട്ടാണ് ഫ്യൂസ് ഊരിയത് സംബന്ധിച്ച് ഒരാൾ സസ്പെൻറ് ചെയ്യപ്പെടുന്നത്. ഗുരുവായൂർ ദേവസ്വത്തിൽ ലക്ഷങ്ങളുടെ നഷ്ടം വരുത്തിയവരും അഴിമതിക്കാരും പെൺവാണിഭക്കേസിൽ പ്രതികളും ആൾമാറാട്ടം നടത്തിയവരും ജോലി ചെയ്ത് വരുന്നതിനെതിരെ പ്രതികരിക്കാത്തവരാണ് സത്യസന്ധരായ ജീവനക്കാർക്കെതിരെ പ്രതികാര നടപടികളുമായി മുന്നോട്ടുവന്നിട്ടുള്ളത് എന്നാണു ഭവദാസിന്റെ ആരോപണം.പ്രതികാര നടപടിയാണ് സസ്‌പെൻഷൻ എന്നാരോപിച്ച് ഭവദാസ് നിയമനടപടിക്കൊരുങ്ങുകയാണ് .