പുതുവർഷത്തിൽ വാട്ട്സ്ആപ്പിൽ റെക്കോർഡിട്ട് ഇന്ത്യക്കാർ

പുതുവർഷ ദിനത്തിൽ ഇന്ത്യക്കാർ വാട്സ്‌ആപ്പിൽ ഒരു റെക്കോഡിട്ടു. 1400 കോടി മെസേജുകളാണ് ഈ ഒരു ദിവസത്തിനിടെ ഇന്ത്യക്കാർ വാട്സ്ആപ്പിലൂടെ അയച്ചത്. കഴിഞ്ഞ ദീപാവലി ദിനത്തിൽ 800 കോടി മെസേജുകൾ അയച്ചു സൃഷ്ടിച്ച റെക്കോഡാണു ഇതിലൂടെ തിരുത്തിയത്.

310 കോടി ചിത്രങ്ങൾ , 70 കോടി ജിഫ് മെസേജുകൾ, 61 കോടി വീഡിയോകൾ, എന്നിങ്ങനെയാണ് കണക്ക്. ഇന്ത്യയിൽ 16 കോടി വാട്സ്ആപ്പ് ഉപയോക്താക്കളാണുള്ളത്. ജിഫ് ഇമേജുകൾ വാട്സ്ആപ്പ് വഴി അയക്കാനാകുന്ന സംവിധാനം ഡിസംബറിലാണ് ഇന്ത്യയിൽ വാട്ട്സ്ആപ്പ് അവതരിപ്പിച്ചത്.