ബുദ്ധിമാന്ദ്യമുള്ള പെൺകുട്ടിയെ പീഡിപ്പിച്ച മധ്യവയസ്‌കനായി പോലീസ് തിരച്ചിൽ നടത്തുന്നു. പുതുവത്സരദിനത്തില്‍ തെലങ്കാനയിലെ ഗോപാല്‍ റാവുപേട്ട് ഗ്രാമത്തിലായിരുന്നു സംഭവമെന്നാണ് പൊലീസ് നല്‍കുന്ന വിവരം. സോഷ്യല്‍ മീഡിയയില്‍ ദൃശ്യങ്ങള്‍ ശ്രദ്ധയില്‍പ്പെട്ടതിനെ തുടർന്നാണ് പോലീസ് കേസെടുത്തത്.
ഡിസംബര്‍ 31ന് പെണ്‍കുട്ടി വീട്ടില്‍ ഒറ്റയ്ക്കായിരുന്ന സമയത്ത് വീടിന് സമീപത്തുള്ള വയലിലെത്തിച്ച് പീഡിപ്പിച്ച ശേഷം നഗ്നയാക്കി നൃത്തം ചെയ്യിച്ച് ദൃശ്യങ്ങള്‍ പകര്‍ത്തുകയായിരുന്നു. സംഭവം പുറത്തറിഞ്ഞാല്‍ കുടുംബത്തിന് അപമാനമുണ്ടാകുമെന്ന് കരുതി പെണ്‍കുട്ടിയുടെ അമ്മ സംഭവം പുറത്തുപറയാനോ പോലീസിനെ സമീപിക്കാനോ തയ്യാറായിരുന്നില്ല. സംഭവവുമായി ബന്ധപ്പെട്ട് രണ്ട് പേർ അറസ്റ്റിലായിട്ടുണ്ട്.
Post Your Comments