മുംബൈ: ബെംഗളൂരുവില്‍ സ്ത്രീകള്‍ക്കുനേരെയുണ്ടായ അതിക്രമത്തിനു പിന്നാലെ മുംബൈയില്‍ അജ്ഞാതന്റെ ആക്രമണം. മുംബൈയിലെ മഹാലക്ഷ്മി റേസ് കോഴ്‌സിലാണ് സംഭവം. സുഹൃത്തിനെ കാത്തുനിന്ന 28കാരിക്ക് നേരെയാണ് ആക്രമണം ഉണ്ടായത്.
ആയുധം ഉപയോഗിച്ച് യുവതിയെ കുത്തി പരിക്കേല്‍പ്പിക്കുകയായിരുന്നു. ഇന്നലെ രാത്രിയിലാണ് സംഭവം നടന്നത്. സംഭവത്തില്‍ പരിക്കേറ്റ യുവതി ആശുപത്രിയില്‍ ചികിത്സയിലാണ്. പിന്നില്‍ നിന്ന് അക്രമി കുത്തുകയായിരുന്നു. രക്തത്തില്‍ കുളിച്ചു കിടന്ന യുവതിയെ സുഹൃത്താണ് ആശുപത്രിയില്‍ എത്തിച്ചത്. കൊലപാതകശ്രമത്തിന് പോലീസ് കേസെടുത്തിട്ടുണ്ട്.
Post Your Comments