ഇടുക്കി : കുട്ടിക്കാനത്ത് ഒഡീഷ സ്വദേശിനി തേയില തോട്ടത്തില്‍ കൊല്ലപ്പെട്ട നിലയില്‍ കണ്ടെത്തി. ഒഡിഷ സ്വദേശിനിയായ സബിത മാഗി (30)യുടെ മൃതദേഹമാണ് കള്ളിമല തേയിലത്തോട്ടത്തില്‍ കണ്ടെത്തിയത്. മൃതദേഹം നഗ്‌നമായ നിലയിലാണ്. മാനഭംഗപ്പെടുത്തിയതിന് ശേഷം സബിത കൊലപ്പെടുത്തിയതെന്നാണ് കരുതുന്നത്. ഒരു വര്‍ഷം മുമ്പാണ് കുന്തന്‍ മാഗിയും ഭാര്യയും ജോലി തേടി പീരുമേട്ടിലെത്തിയത്. തേയിലത്തോട്ടത്തിലും കാപ്പിത്തോട്ടത്തിലും ഇരുവരും ജോലിചെയ്തുവരികയായിരുന്നു.
കാപ്പിത്തോട്ടത്തില്‍ ജോലിക്കു പോയ ഭര്‍ത്താവ് കുന്ദന്‍ മാഗി വീട്ടില്‍ തിരിച്ചെത്തിയപ്പോള്‍ സബിത എത്തിയിരുന്നില്ല. തുടര്‍ന്ന് കുന്ദനും സുഹൃത്തുക്കളും ചേര്‍ന്ന് നടത്തിയ തിരച്ചിലിലാണ് ഇന്ന് പുലര്‍ച്ചെ ഒരു മണിയോടെ തേയില തോട്ടത്തിനുള്ളില്‍ സബിതയുടെ മൃതദേഹം കണ്ടെത്തിയത്. ഇടുക്കി ജില്ലാ പൊലീസ് മേധാവിയും എറണാകുളം റേഞ്ച് ഐ.ജി: എം.ആര്‍.അജിത് കുമാറും സ്ഥലത്തെത്തിയിട്ടുണ്ട്.
Post Your Comments