കടത്ത് ബോട്ടിന് തീപിടിച്ച് : നിരവധി മരണം

ജക്കാർത്ത : ജക്കാര്‍ത്തയിലെ മൗര അംഗ്‌കെ തുറമുഖത്ത് നിന്നും തിഡുംഗ് ദ്വീപിലേയ്ക്ക് പോയ കടത്ത് ബോട്ടിന് തീപിടിച്ച് 23 പേര്‍ മരിച്ചു. പരിക്കേറ്റ 9 പേരെ ആശുപത്രിയില്‍ പ്രവേശിപ്പിച്ചു. കടലിലേക്ക് ചാടിയ 17 പേരെ കാണാതായി.

ബോട്ടിന്റെ ജനറേറ്ററിലുണ്ടായ ഷോര്‍ട്ട് സര്‍ക്യൂട്ടാണ് തീപിടിത്തത്തിന് കാരണമായതെന്നാണ് പ്രാഥമിക നിഗമനം. 230 പേരാണ് ബോട്ടിലുണ്ടായിരുന്നത്. ഇവരില്‍ 194 പേരെ രക്ഷപ്പെടുത്തിയതായി അധികൃതര്‍ അറിയിച്ചു.