ദമ്മാം• സൗദി അറേബ്യയിലെ ദമ്മാമില്‍ അനധികൃത മദ്യനിര്‍മ്മാണ കേന്ദ്രത്തില്‍ പോലീസ് നടത്തിയ റെയ്ഡില്‍ 60,000 ലിറ്റര്‍ മദ്യം പിടികൂടി. അഞ്ച് പേരേയും പോലീസ് ഇവിടെ നിന്നും പിടികൂടിയിട്ടുണ്ട്. ഒരു ഇന്ത്യക്കാരനും നാല് നേപ്പാള്‍ സ്വദേശികളുമാണ് പിടിയിലായത്.
കിഴക്കന്‍ പ്രവിശ്യയില്‍ ആദ്യമായാണ് ഇത്രയും വലിയ അളവില്‍ മദ്യ വേട്ട നടക്കുന്നതെന്ന് അധികൃതര്‍ വ്യക്തമാക്കി. പ്ലാസ്റ്റിക് ടാങ്കുകളിലായിരുന്നു മദ്യം സൂക്ഷിച്ചിരുന്നത്. പ്രത്യേക പൊലീസ് സംഘം നടത്തിയ മിന്നല്‍ പരിശോധനയിലാണ് ഇത് കണ്ടത്തെിയത്. ജനത്തിരക്കൊഴിഞ്ഞ പ്രദേശത്ത് കൃഷിയിടങ്ങള്‍ക്കടുത്തായാണ് ആധുനിക സംവിധാനങ്ങളോടെയുള്ള കേന്ദ്രം പ്രവര്‍ത്തിച്ചിരുന്നത്. മദ്യ നിര്‍മാണത്തിനുപയോഗിക്കുന്ന വിവിധ ഉപകരണങ്ങളും പിടിച്ചെടുത്തു. പിടിയിലായവരെ തുടര്‍ നടപടികള്‍ക്കായി ബന്ധപ്പെട്ട വകുപ്പുകള്‍ക്ക് കൈമാറി.
Post Your Comments