കീഴടങ്ങുന്ന മാവോയിസ്റ്റുകളുടെ എണ്ണത്തിൽ വൻ വർദ്ധനവ്

ന്യൂഡൽഹി: രാജ്യത്ത് കീഴടങ്ങുന്ന ഇടതു ഭീകരരുടെ എണ്ണത്തിൽ വൻ വർദ്ധനവ്. മുൻ വർഷത്തെയപേക്ഷിച്ച് 2016ൽ മൂന്നിരട്ടി വർദ്ധനയാണുണ്ടായാതായി കേന്ദ്ര ആഭ്യന്തര മന്ത്രാലയം വ്യക്തമാക്കി. മാത്രമല്ല ഇത് സാധാരണ ജനങ്ങളുടെയിടയിൽ നിന്നും പൊലീസിനു വിവരം ചോർത്തി നൽകുന്നവരുടെ എണ്ണവും വർദ്ധിച്ചു.

2016 ഡിസംബർ 16 വരെ ലഭ്യമായ കണക്കനുസരിച്ച് ഈ വർഷം 1,420 മാവോയിസ്റ്റുകളാണ് കീഴടങ്ങിയത്. 2015ൽ 570ഉം, 2014ൽ 670ഉം, 2013ൽ 282ഉം മാവോയിസ്റ്റുകളാണ് കീഴടങ്ങിയത്. ആകെ 202 സാധാരണ ജനങ്ങളാണ് മാവോയിസ്റ്റ് ആക്രമണത്തിൽ കൊല്ലപ്പെട്ടത്. ഇതിൽ 115 പേർ പൊലീസിനു വിവരമെത്തിച്ചു നൽകിയിരുന്നവരായിരുന്നു. 2015ൽ മാവോയിസ്റ്റുകൾ വധിച്ച 156 സാധാരണക്കാരിൽ 85 പേർ പൊലീസിന് വിവരമറിയിച്ചു നൽകിയിരുന്നവരാണെന്ന് തിരിച്ചറിഞ്ഞിട്ടുണ്ട്. രാജ്യത്തെ 106 ജില്ലകളിലാണ് മാവോയിസ്റ്റ് സാന്നിദ്ധ്യമുളളത്. ഇതിൽ 36 ഇടങ്ങളിൽ മാവോയിസ്റ്റ് ശല്യം അതിരൂക്ഷമാണ്.