രണ്ടായിരത്തിന്റെ ഒരു നോട്ട് തൂപ്പുകാരന്‍ വിറ്റത് ഒരു ലക്ഷം രൂപയ്ക്ക്

ഭോപ്പാൽ: രണ്ടായിരത്തിന്റെ ഒരു നോട്ട് ഭോപ്പാലിലെ തൂപ്പുകാരന് നേടിക്കൊടുത്തത് ഒരു ലക്ഷം രൂപ. അതിനു പിന്നിലെ കാരണവും രസകരമാണ്. ഷാജപൂര്‍ ജില്ലയിലെ ലാല്‍ ഗട്ടി ഹൗസിംഗ് ബോര്‍ഡ് കോളനിയിലെ വിജയ് എന്ന തൂപ്പുകാരനെയാണ് രണ്ടായിരം രൂപയുടെ രൂപത്തിൽ ഭാഗ്യം തേടിവന്നത്.

വിജയ്ക്ക് ലഭിച്ച നോട്ടിന്റെ സീരിയല്‍ നമ്പറിന്റെ അവസാനത്തെ 3 അക്കങ്ങൾ 786 എന്നായിരുന്നു. ഇസ്‌ലാം മത വിശ്വാസികള്‍ വിശുദ്ധ അക്കമായാണ് 786-നെ കാണുന്നത്. ഓണ്‍ലൈന്‍ വില്‍പ്പന വെബ്‌സൈറ്റായ ഇബേ വഴി വിജയ് നോട്ടിന്റെ ഫോട്ടോ നൽകി. ഇത് കണ്ടതിനെ തുടര്‍ന്ന് ഇന്‍ഡോറില്‍ നിന്നുള്ള വ്യക്തി ഒരു ലക്ഷം രൂപ നൽകി നോട്ട് സ്വന്തമാക്കുകയായിരുന്നു.