ജിയോയെ വെല്ലുന്ന ഓഫറോ? സൂപ്പര്‍ ഓഫറുമായി എയര്‍ടെല്‍

ന്യൂഡല്‍ഹി: ജിയോ ഓഫര്‍ നീട്ടിയതോടെ മറ്റ് നെറ്റ്‌വര്‍ക്കുകള്‍ക്ക് കനത്ത തിരിച്ചടിയാണ് ഉണ്ടായത്. ഉപഭോക്താക്കളെ പിടിച്ചു നിര്‍ത്താന്‍ മികച്ച ഓഫര്‍ നല്‍കുകയല്ലാതെ മറ്റ് വഴിയില്ലാതായി മാറി. ബിഎസ്എന്‍എല്ലിനു പിന്നാലെ എയര്‍ടെലും മികച്ച ഓഫര്‍ പുറത്തിറക്കി. 149 രൂപയ്ക്ക് സൗജന്യ കോള്‍ സര്‍വ്വീസാണ് ബിഎസ്എന്‍എല്‍ നല്‍കിയതെങ്കില്‍ അതിലും മികച്ച ഓഫറുമായിട്ടാണ് എയര്‍ടെല്ലിന്റെ വരവ്.

145, 345 രൂപയുടെ പ്രീപെയ്ഡ് ബണ്‍ഡില്‍ ഓഫറുകളാണ് നല്‍കുന്നത്. 145 ന്റെ പ്ലാന്‍ ചെയ്താല്‍.. 300 എംബിയുടെ 4ജി ഡാറ്റ, സൗജന്യമായ എയര്‍ടെല്‍-ടു-എയര്‍ടെല്‍ ലോക്കല്‍-എസ്ടിഡി കോളുകള്‍, ഫീച്ചര്‍ ഫോണാണ് ഉപയോക്താവിന്റേതെങ്കില്‍ 50 എംബി ഡാറ്റയും എയര്‍ടെല്‍ നല്‍കുന്നു.

28 ദിവസമാണ് കാലാവധി നല്‍കുന്നത്. 345 ഓഫര്‍ ചെയ്താല്‍.. 1 ജിബി ഡാറ്റ, എയര്‍ടെല്‍-ടു-എയര്‍ടെല്‍ ലോക്കല്‍-എസ്ടിഡി കോളുകള്‍, ഫീച്ചര്‍ ഉപയോക്താക്കള്‍ക്കായി 50 എംബി ഡാറ്റ എന്നിവയും ലഭിക്കുന്നതാണ്.