കൊച്ചി: ഇന്‍ഷുറന്‍സ് മെഡിക്കല്‍ സര്‍വീസസ് ഡിപ്പാര്‍ട്ട്മെന്റിന്റെ കീഴില്‍ ആലപ്പുഴ, എറണാകുളം, തൃശൂര്‍ ജില്ലകളില്‍ നിലവിലുളള ഒഴിവിലേക്ക് കോണ്‍ട്രാക്ട് അടിസ്ഥാനത്തില്‍ ജോലി ചെയ്യുന്നതിന് അസിസ്റ്റന്റ് ഇന്‍ഷുറന്‍സ് മെഡിക്കല്‍ ഓഫീസര്‍മാരുടെ വാക്-ഇന്‍-ഇന്റര്‍വ്യൂ നടത്തുന്നു. ഡിസംബര്‍ അഞ്ചിന് രാവിലെ 10-ന് എറണാകുളം നോര്‍ത്തിലെ ഇ.എസ്.ഐ ആശുപത്രിക്ക് സമീപമുളള പോള്‍ അബ്രോ റോഡിലുളള ഇന്‍ഷുറന്‍സ് മെഡിക്കല്‍ സര്‍വീസസ് മധ്യമേഖല റീജിയണല്‍ ഡപ്യൂട്ടി ഡയറക്ടറുടെ ഓഫീസിലാണ് ഇന്റര്‍വ്യൂ നടക്കുക.
കേരള ഗവ: അംഗീകരിച്ച എം.ബി.ബി.എസ് ആണ് അടിസ്ഥാന യോഗ്യത. സര്‍വീസില്‍ നിന്ന് വിരമിച്ചവര്‍ക്കും പങ്കെടുക്കാവുന്നതാണ്. താത്പര്യമുളളവര്‍ എം.ബി.ബി.എസ് ഡിഗ്രി സര്‍ട്ടിഫിക്കറ്റ്, റ്റി.സി.എം.സി രജിസ്ട്രേഷന്‍ സര്‍ട്ടിഫിക്കറ്റ്, ജനനതീയതി തെളിയിക്കുന്നതിനുളള സര്‍ട്ടിഫിക്കറ്റ് എന്നിവ ഓഫീസില്‍ ഹാജരാകണം.
Post Your Comments