രൂപയുടെ മൂല്യമിടിഞ്ഞിട്ടും നാട്ടിലേക്ക് പണമയക്കാൻ പ്രവാസികള്‍ മടിക്കുന്നു

രാജ്യാന്തര വിപണിയില്‍ രൂപയുടെ മൂല്യം ഇടിഞ്ഞത് ഗള്‍ഫ് കറന്‍സികളുമായുള്ള വിനിമയത്തിലും പ്രതിഫലിച്ചു. വിനിമയത്തില്‍ പ്രവാസികള്‍ക്ക് കൂടുതല്‍ രൂപ കിട്ടും. പക്ഷെ നാട്ടിലെ ബാങ്കിങ് ഇടപാടുകളിലെ അനിശ്ചിതാവസ്ഥ മൂലം പണം അയക്കുന്നവരുടെ എണ്ണം കുറഞ്ഞതായാണ് റിപ്പോര്‍ട്ടുകള്‍.

ബുധനാഴ്ചത്തെ നിരക്ക് അനുസരിച്ച് യുഎഇ ദിര്‍ഹമിന് 18 രൂപ 62 പൈസയാണ്. ആഗോള വിപണിയില്‍ 18 രൂപ 74 പൈസ വരെ ലഭിച്ചിരുന്നു. വിനിമയ നിരക്ക് മൂന്നു വർഷത്തെ ഏറ്റവും ഉയർന്ന നിലയിലെത്തിയ ഖത്തറില്‍ ഒരു റിയാലിന് 18 രൂപ 79 പൈസയാണ് ലഭിച്ചത്. സൗദി റിയാലിന് 18 രൂപ 35 പൈസയും ബഹ്‌റൈൻ ദിനാറിന് 182 രൂപ 46 പൈസയും ലഭിച്ചു. അതുപോലെ ഒമാന്‍ റിയാലിന് 178 രൂപ 77 പൈസയും കുവൈത്ത് ദിനാറിന് 225 രൂപ 83 പൈസയുമാണ് ബുധനാഴ്ചത്തെ നിരക്ക്.