ചെന്നൈ : ആഭ്യന്തര പാതകള്‍ക്ക് വമ്പന്‍ നിരക്കിളവുമായി സ്പൈസ് ജെറ്റ്. തെരഞ്ഞെടുത്ത പാതകള്‍ക്ക് 737 രൂപയാണ് പുതിയ ഓഫര്‍ നിരക്ക്. വാര്‍ഷിക വില്പനയോടനുബന്ധിച്ചാണ് കമ്പനി ഇത്തരത്തിലൊരു ഓഫര്‍ പ്രഖ്യാപിച്ചിരിക്കുന്നത്. 500 കിലോമീറ്റര്‍ വരെയുള്ള യാത്രകള്‍ക്കാണ് ഈ നിരക്ക് ബാധകമാവുക.
2017 ജനുവരി ഒമ്പത് മുതല്‍ ഓക്ടോബര്‍ 28 വരെയുള്ള യാത്രകള്‍ക്ക് ഈ ഓഫര്‍ പ്രയോജനപ്പെടുത്താം. വ്യാഴാഴ്ച മുതല്‍ നാലു ദിവസത്തേക്കാണ് ടിക്കറ്റുകള്‍ ബുക്ക് ചെയ്യാന്‍ കഴിയുക. ഈ മാസം 24 അര്‍ധരാത്രി വരെ റദ്ദാക്കിയ 500, 1000 രൂപ കറന്‍സികള്‍ ഉപയോഗിച്ച് എയര്‍പോര്‍ട്ട് കൗണ്ടറുകളില്‍ ടിക്കറ്റ് ബുക്ക് ചെയ്യാം. എന്നാല്‍, അത്തരം ബുക്കിംഗുകള്‍ റീഫണ്ട് ചെയ്യാന്‍ കഴിയില്ലെന്നും സ്പൈസ് ജെറ്റ് വാര്‍ത്താക്കുറിപ്പില്‍ അറിയിച്ചു. സ്പൈസ് ജെറ്റിന്റെ വെബ്‌സൈറ്റ്, ഓണ്‍ലൈന്‍ ട്രാവല്‍ പോര്‍ട്ടലുകള്‍, സ്‌പൈജ് ജെറ്റ് മൊബൈല്‍ ആപ്പ്, എയര്‍പോര്‍ട്ട് ഓഫീസ് എന്നിവിടങ്ങളില്‍ ടിക്കറ്റ് ബുക്ക് ചെയ്യാം.
Post Your Comments