മേട്ടുപ്പാളയം: അനധികൃത സ്വർണവുമായി മലയാളി പിടിയിൽ. കാസര്‍കോട് പുതിയപുരം മുഹമ്മദ് കോയയുടെ മകന്‍ മുര്‍സാദ്(32) ആണ് കോയമ്പത്തൂര്‍ വിമാനത്താവളത്തില്‍ നിന്ന് സ്വർണവുമായി പിടിയിലായത്. 700 ഗ്രാം സ്വര്‍ണമാണ് മുർസാദിന്റെ പക്കൽ നിന്നും പിടികൂടിയത്.
ഷാര്‍ജ-കോയമ്പത്തൂര്‍ എയര്‍ അറേബ്യ വിമാനത്തിൽ എത്തിയ മുർസാദിനെ പരിശോധിച്ചപ്പോഴാണ് സ്വര്‍ണം ബിസ്‌കറ്റ് രൂപത്തിലാക്കിയ നിലയിൽ ബാഗിൽ നിന്നും കണ്ടെത്തിയത്. അതേസമയം കാസര്‍കോട് സ്വദേശിയായ യൂസഫ് എന്ന യുവാവിൽ നിന്നും അനധികൃതമായി കടത്താൻ ശ്രമിച്ച 30 പാക്കറ്റ് സിഗരറ്റും പിടികൂടിയിട്ടുണ്ട്.
Post Your Comments