പള്ളുരുത്തി: ഫേസ്ബുക്ക് വഴി സ്ത്രീകളുമായി സൗഹൃദം സ്ഥാപിച്ച്‌ തുടര്‍ന്ന് അവരെ സാമ്പത്തികമായും ലൈംഗികമായും ചൂഷണം ചെയ്ത സംഭവത്തില്‍ യുവാവിനെ ഫോര്‍ട്ടുകൊച്ചി പൊലീസ് അറസ്റ്റ് ചെയ്തു.ഫേയ്സ്ബുക്ക് വഴി വീട്ടമ്മമാരുമായി പരിചയപ്പെട്ട് വാട്ട്സ്‌ആപ്പ് നമ്പര്‍ വാങ്ങി അശ്ളീല മെസേജുകളും വീഡിയോകളും അയച്ച്‌ സ്ത്രീകളുടെ ഫോട്ടോകള്‍ കൈക്കലാക്കിയ ശേഷം ചൂഷണം നടത്തുന്നതാണ് ഇയാളുടെ രീതി.
മട്ടാഞ്ചേരി ടൗണ്‍ഹാള്‍ റോഡില്‍ താമസിക്കുന്ന ഷഹബാന്‍ (26) ആണ് അറസ്റ്റിലായത്.
തൃപ്പൂണിത്തുറ സ്വദേശിയായ വീട്ടമ്മ ഡപ്യൂട്ടി കമ്മിഷ്ണര്‍ക്ക് നല്‍കിയ പരാതിയുടെ അടിസ്ഥാനത്തിലാണ് യുവാവിനെ പൊലീസ് പിടികൂടിയത്.കൂടുതല്‍ പണവും സ്വര്‍ണവും തരാമെന്ന് പറഞ്ഞ് പൊലീസിന്റെ നിര്‍ദ്ദേശപ്രകാരം വീട്ടമ്മ പ്രതിയെ മരട് ന്യൂക്ലീയസ് മാളില്‍ വിളിച്ചു വരുത്തുകയായിരുന്നു.കൂടുതല്‍ അന്വേഷണത്തില്‍ നിന്നും 20 സ്ത്രീകളില്‍ നിന്നായി പണവും സ്വര്‍ണവും ഇയാള്‍ കൈക്കലാക്കിയതായി കണ്ടെത്തി.
സ്ത്രീകള്‍ സ്വര്‍ണവും പണവും തിരികെ ചോദിക്കുമ്പോള്‍ നഗ്ന ഫോട്ടോകള്‍ നെറ്റിലിടും എന്ന് പറഞ്ഞ് ഭീഷണിപ്പെടുത്തും.ഫോര്‍ട്ടുകൊച്ചി എസ്.ഐ.എസ്.ദ്വിജേഷിന്റെ നേതൃത്വത്തിലുളള പൊലീസ് സംഘം പ്രതിയെ പിടികൂടുകയായിരുന്നു. കോടതിയില്‍ ഹാജരാക്കിയ യുവാവിനെ റിമാന്‍ഡ് ചെയ്തു.
Post Your Comments