ഒരു പാകിസ്ഥാനി പെണ്‍കുട്ടി പാടിയ മലയാള ഗാനം സോഷ്യല്‍ മീഡിയയില്‍ വൈറലാകുന്നു. അതും നമ്മുടെ പ്രേമം എന്ന സൂപ്പര്‍ ഹിറ്റ് ചലച്ചിത്രത്തിലെ മലരേ…എന്ന ഗാനം തന്നെ. ദുബായില്‍ താമസിക്കുന്ന നാസിയ അമിന്‍ മുഹമ്മദാണ് ഈ ഗാനം പാടിയത്.
ഇതൊരു പാകിസ്ഥാനി പെണ്‍കുട്ടിയാണോ എന്നു തോന്നിപ്പോകും. അത്ര നന്നായിട്ടാണ് പെണ്‍കുട്ടിയുടെ വായില്‍നിന്നും മലയാളം അക്ഷരങ്ങള്‍ വരുന്നത്. നസിയയ്ക്ക് മലയാളി സുഹൃത്തുക്കളുണ്ട്. അങ്ങനെയാണ് ഈ പാട്ടിനെക്കുറിച്ചും ചിത്രത്തെക്കുറിച്ചും അറിയുന്നത്. ഈ പാട്ട് കേരളത്തിലുള്ള തന്റെ സുഹൃത്തുക്കള്‍ക്കായി സമര്‍പ്പിക്കുന്നുവെന്ന് നസിയ പറയുന്നു.
കറാച്ചി സ്വദേശിയാണ് നസിയ. പാട്ടു പാടാന്‍ പ്രത്യേക താല്‍പര്യമുള്ള നസിയ മലയാളം വാക്കുകള്‍ പറഞ്ഞതില്‍ തെറ്റുണ്ടെങ്കില്‍ ക്ഷമിക്കണമെന്നും വീഡിയോയിലൂടെ പറയുന്നുണ്ട്.
Post Your Comments