ന്യൂഡല്‍ഹി: ഡൽഹിയിൽ സ്ഫോടനം. സ്‌ഫോടനത്തില്‍ ഒരാള്‍ കൊല്ലപ്പെട്ടതായി റിപ്പോര്‍ട്ട്. തിരക്കേറിയ വാണിജ്യകേന്ദ്രമായ ചാന്ദ്‌നി ചൗക്കിലെ നയാ ബസാറിലാണ് സ്ഫോടനം നടന്നത്. അപകടത്തിൽ നിരവധി പേര്‍ക്ക് പരിക്കേറ്റതായും റിപ്പോര്‍ട്ടുണ്ട്. ഇതിനെ തുടര്‍ന്ന് ഉന്നത ഉദ്യോഗസ്ഥര്‍ സ്ഥലത്തെത്തിയിട്ടുണ്ട്. സ്‌ഫോടനത്തിന്റെ കാരണം വ്യക്തമായിട്ടില്ല.
അപകടമുണ്ടായത് ഒരാളുടെ കയ്യിലുണ്ടായ പടക്കങ്ങള്‍ നിറച്ച ബാഗ് പൊട്ടിത്തെറിച്ചാണെന്ന് ദൃക്‌സാക്ഷികള്‍ പറഞ്ഞതായി ദേശീയ മാധ്യമങ്ങള്‍ റിപ്പോര്‍ട്ടു ചെയ്യുന്നു. സംഭവസ്ഥലത്തുനിന്ന് പടക്കങ്ങളില്‍ ഉപയോഗിക്കുന്ന സ്‌ഫോടകവസ്തുക്കള്‍ ലഭിച്ചിട്ടുണ്ട്. അതേസമയം പോലീസ് സിലിണ്ടര്‍ സ്‌ഫോടനത്തിനുള്ള സാധ്യതയും പരിശോധിക്കുന്നുണ്ട്. ഫോറന്‍സിക് വിദഗ്ധരും ഭീകര വിരുദ്ധ സേനയും ഉള്‍പ്പെടെയുള്ളവര്‍ സംഭവസ്ഥലത്ത് എത്തി പരിശോധന ആരംഭിച്ചു. സ്‌ഫോടനത്തില്‍ അഞ്ചു പേര്‍ക്ക് പരിക്കേൽക്കുകയും സമീപത്തെ കടകള്‍ക്കും കേടുപാടുകളും സംഭവിച്ചു.
Post Your Comments