ലണ്ടന്‍; ഐഎസ് ബന്ധമുള്ള മോഡലിനെ ബ്രിട്ടീഷ് പൊലീസ് കൈയ്യോടെ പൊക്കി. ഗ്ലാമറിലൂടെ ആരാധകരെ ഹരം കൊള്ളിച്ച മോഡല്‍ കിംബര്‍ളി മൈനേര്‍സിനെയാണ് പോലീസ് പിടികൂടിയത്. 27 വയസു മാത്രം പ്രായം വരുന്ന കിംബര്‍ളിയെ അധികൃതര്‍ നിരീക്ഷിച്ചുവരികയായിരുന്നു. ബ്രിട്ടീഷ് ഭീകരവാദ നിയമം 2000 വകുപ്പനുസരിച്ചാണ് കിംബര്‍ളിയെ പൊലീസ് അറസ്റ്റ് ചെയ്തത്.
ജിഹാദി മണവാട്ടി എന്നാണ് മോഡലിനെ വിശേഷിപ്പിച്ചത്. മോഡല്‍ ഐഎസ് ഭീകരവാദിയെ വിവാഹം കഴിക്കാന്‍ പോകുന്നുവെന്ന വാര്‍ത്ത നേരത്തെ വന്നിരുന്നു. മാസികകളില്‍ അര്‍ദ്ധ നഗ്നയായി എത്തിയിരുന്ന കിംബര്‍ളി വിവാദങ്ങളില്‍ ഇടംപിടിച്ച മോഡലായിരുന്നു. കിംബര്‍ളി മൈനേര്‍സ് രഹസ്യമായി ഇസ്ലാം മതം സ്വീകരിച്ചെന്നും റിപ്പോര്‍ട്ടുണ്ടായിരുന്നു.
ഇതിനിടയില്‍ കിംബര്‍ളി ഐഎസിന്റെ ചിത്രങ്ങളും വീഡിയോകളും ലൈക്ക് ചെയ്തതും ഷെയര്‍ ചെയ്തതും അധികൃതരുടെ ശ്രദ്ധയില്‍പെട്ടു. തുടര്‍ന്നാണ് അന്വേഷണം ആരംഭിച്ചത്.
Post Your Comments