ശ്രീനഗര്‍: വടക്കന്‍ കശ്മീരിലെ കുപ് വാരയിലെ ലാന്‍ഗേറ്റ് സൈനിക ക്യാമ്പിന് നേര്‍ക്കുണ്ടായ ഭീകരാക്രമണത്തിൽ മൂന്ന് ഭീകരരെ വധിച്ചു. തീവ്രവാദികൾക്ക് സൈനികകേന്ദ്രത്തിലേക്ക് കടക്കാൻ സാധിച്ചിട്ടില്ല. സൈനികർക്ക് പരിക്കൊന്നും ഏറ്റിട്ടില്ലെന്നാണ് വിവരം.
സൈനിക യൂണിഫോമിലെത്തിയാണ് ഭീകരർ വെടിയുതിർത്തത്. സൈനികർ ഉടനെത്തന്നെ തിരിച്ചടിച്ചു. പിന്നീട് ഭീകരർ പിൻവാങ്ങുകയും ഇവർക്കായുള്ള തിരച്ചിലിനിടയിൽ രണ്ടാമത്തെ വെടിവെയ്പ്പ് ഉണ്ടാവുകയുമായിരുന്നു. ഈ ഏറ്റുമുട്ടലിലാണ് ഭീകരർ കൊല്ലപ്പെട്ടത്. അതേസമയം, ഇന്നലെ രാത്രിയും ഇന്നു പുലർച്ചെയുമായി ഇന്ത്യയിലേക്കു നുഴഞ്ഞുകയറാനുള്ള ഭീകരരുടെ ശ്രമങ്ങൾ സൈന്യം തടഞ്ഞിരുന്നു.
Post Your Comments