ന്യൂഡൽഹി:ഇന്ത്യന്‍ വിമാനങ്ങളെ അപകടപ്പെടുത്താന്‍ പുതിയ തന്ത്രവുമായി പാകിസ്താന്‍.നിയന്ത്രണ രേഖക്കടുത്തെ വിമാനത്താവളങ്ങളിൽ ഇറങ്ങുന്ന ഇന്ത്യൻ വിമാനങ്ങളിലെ ട്രാഫിക് കണ്‍ട്രോളിലെ സിഗ്നലുകള്‍ ഹാക്ക് ചെയ്തു കൊണ്ടാണ് പാകിസ്താന്‍ ഹാക്കര്‍മാര്‍ ഇന്ത്യന്‍ വിമാനങ്ങളെ അപകടപ്പെടുത്താൻ മുന്നൊരുക്കം നടത്തുന്നത്.കശ്മീര്‍ അതിര്‍ത്തിയോട് ചേര്‍ന്ന് കിടക്കുന്ന ജമ്മു-തൊയിസ് വിമാനത്താവളത്തിൽ ലാന്‍ഡ് ചെയ്യുന്ന വിമാനങ്ങളെയാണ് പാക്ക് ഹാക്കര്‍മാര്‍ ലക്ഷ്യം വയ്ക്കുന്നത്.ജമ്മുവിലേക്ക് പറക്കുന്ന യാത്രാ വിമാനങ്ങളും തോയിസിലേക്ക് പറക്കുന്ന സൈനികവിമാനങ്ങളുമാണ് നിയന്ത്രണരേഖയോട് ചേര്‍ന്ന് കിടക്കുന്ന ജമ്മു എയര്‍ട്രാഫിക് കണ്‍ട്രോളിനെ മുഖ്യമായും ആശ്രയിക്കുന്നത്.
വിമാനങ്ങള്‍ പതിനായിരം അടിക്ക് താഴേക്ക് വരുന്ന ഘട്ടത്തിലാണ് ജമ്മുവിലെ എയര്‍ട്രാഫിക് കണ്‍ട്രോളുമായി പൈലറ്റ് ബന്ധപ്പെടുക.പിന്നെ എടിസിയില്‍ നിന്നുളള നിര്‍ദേശങ്ങള്‍ അനുസരിച്ചു വേണം പൈലറ്റിന് വിമാനം ലാന്‍ഡ് ചെയ്യാന്‍. എന്നാല്‍ ഇപ്പോള്‍ ജമ്മു എടിസിയുമായി ഏന്തെങ്കിലും ഇന്ത്യന്‍ സമ്പര്‍ക്കം പുലര്‍ത്തിയാല്‍ ഉടന്‍ പാക് ദേശഭക്തി ഗാനങ്ങളുമായി ഹാക്കര്‍മാര്‍ കയറി വരും. സിഗ്നലുകൾ ഹാക്ക് ചെയ്തതിനു ശേഷം കണ്‍ട്രോള്‍ റൂമില്‍ നിന്നുള്ള നിര്‍ദേശങ്ങള്‍ക്ക് പകരം പാകിസ്താന്റെ ദേശഭക്തി ഗാനങ്ങളായിരിക്കും വിമാനത്തിന്റെ കോക്‌പിറ്റിൽ കേൾക്കുക.. ”ദില്‍,ദില്‍ പാകിസ്താന്‍”, ”ജാന്‍ ജാന്‍ പാകിസ്താന്‍” തുടങ്ങിയ പാട്ടുകളൊക്കെയാണ് അവർ തങ്ങളെ കേൾപ്പിക്കുന്നതെന്ന് പൈലറ്റുമാർ പറയുന്നു.
ഇപ്പോള്‍ സിഗ്നലുകളില്‍ പാക്ക് ഹാക്കര്‍മാര്‍ കടന്നു കയറിയാല്‍ അപ്പോള്‍ തന്നെ പൈലറ്റുമാർ ഉധംപുറിലെ നോര്‍ത്ത് കണ്‍ട്രോളിനെ വിവരം അറിയിക്കും. തുടർന്ന് ജമ്മു എടിസിയുമായി ടെലിഫോണില്‍ ബന്ധപ്പെട്ട് പുതിയ ഫ്രീക്വന്‍സി സെറ്റ് ചെയ്യും തുടര്‍ന്ന് ആ ഫ്രീക്വന്‍സിയിലാണ് ജമ്മുവിലേക്ക് ബന്ധപ്പെടുന്നത്.എയര്‍ട്രാഫിക് കണ്‍ട്രോളിന്റെ ദൃഷ്ടിപരിധിയിലെത്തിയ ശേഷം മാത്രം ബന്ധപ്പെടാന്‍ പറ്റുന്ന വിഎച്ച്എഫ് സംവിധാനവും ഹാക്കര്‍മാരുടെ ശല്യം ഒഴിവാക്കാന്‍ പൈലറ്റുമാർ ഉപയോഗിക്കുന്നുണ്ട്.പാക്ക് ഹാക്കര്‍മാരുടെ ശല്യമൊഴിവാക്കാന്‍ സിഗന്ല്‍ ഫ്ര്വീകന്‍സി സ്ഥിരമായി മാറ്റിക്കൊണ്ടിരിക്കുകയാണ് ജമ്മു എയര്‍ട്രാഫിക് കണ്‍ട്രോള്‍ അധികൃതര്‍.
Post Your Comments