ഇന്ത്യയെ ലക്ഷ്യമാക്കി രണ്ട് പാക് ബോട്ടുകള്‍ നീങ്ങുന്നു

ന്യൂഡൽഹി: ഇന്ത്യയെ ലക്ഷ്യമിട്ട് പാകിസ്ഥാനിൽ നിന്ന് രണ്ട് ബോട്ടുകൾ വരുന്നതായി റിപ്പോർട്ട്. കറാച്ചി തുറമുഖത്ത് നിന്നാണ് ബോട്ടുകൾ പുറപ്പെട്ടിരിക്കുന്നത്. ഇത് ഗുജറാത്ത് തീരത്തോ മഹാരാഷ്ട്ര തീരത്തോ അടുത്തേക്കാമെന്ന് രഹസ്യാന്വേഷണ വിഭാഗം സൂചന നൽകി.ഈ ബോട്ടുകളുടെ നീക്കം നിരീക്ഷിക്കാൻ നാവികസേനയ്ക്കും തീരസംരക്ഷണ സേനയ്ക്കും നിർദേശം നൽകിയിട്ടുണ്ട്. രണ്ടുബോട്ടുകളിൽ ഒന്നിന് യന്ത്രത്തകരാർ സംഭവിച്ചതായി സംശയിക്കുന്നതായും രഹസ്യാന്വേഷണ വിഭാഗം വ്യക്തമാക്കി.

കഴിഞ്ഞ ഞായറാഴ്ച്ച അതിർത്തി കടന്നെത്തിയ ഒരു പാകിസ്ഥാൻ ബോട്ട് തീര സംരക്ഷണ സേന പിടികൂടിയിരുന്നു. ഇതിലെ ജീവനക്കാരെ ചോദ്യം ചെയ്ത് വരികയാണ്. കോസ്റ്റ് ഗാര്‍ഡിന്റെ ‘സമുദ്ര പാവക്’ എന്ന പട്രോളിങ് ബോട്ടാണ് പാക് ബോട്ടിനെ വളഞ്ഞ് പിടികൂടിയത്.