ന്യൂഡൽഹി: ജിയോയോട് പൊരുതാൻ വീണ്ടും ആകർഷകമായ ഓഫറുമായി എയർടെൽ. രാജ്യാന്തര റോമിങ് പാക്കുകളില്‍ ഇന്‍കമിങ് കോളുകള്‍ സൗജന്യമാക്കിയാണ് പുതിയ ഓഫർ. അണ്‍ലിമിറ്റഡ് ഇന്‍കമിങ് കോളുകളും ഇന്ത്യയിലേക്ക് വിളിക്കാന്‍ 400 മിനിറ്റ് സൗജന്യ കോളുകളും അണ്‍ലിമിറ്റഡ് മെസേജിങ്ങ് സേവനവും ഈ പാക്കിൽ ലഭ്യമാണ്. ഒരു ദിവസവും 30 ദിവസവും വാലിഡിറ്റിയുള്ള പാക്കുകളായിരിക്കും ഇവ.
ഒരു ദിവസത്തേക്കോ മറ്റോ രാജ്യത്തിന് പുറത്തുപോകുന്നവർക്കായാണ് വൺ ഡേ പാക്ക്. 30 ദിവസം വാലിഡിറ്റിയുള്ള പാക്കിന് 4,999 രൂപയും വൺ ഡേ പാക്കിന് 649 രൂപയുമാണ് ഈടാക്കുന്നത്. അമേരിക്ക, കാനഡ എന്നീ രാജ്യങ്ങളിലേക്ക് പോകുന്നവര്‍ക്കാണ് ഈ ഓഫര്‍.
കൂടാതെ മറ്റു രാജ്യങ്ങളിൽ നിന്നും ഇന്ത്യയിലേക്ക് വിളിക്കാന്‍ ഈടാക്കിയിരുന്ന നിരക്കും എയര്‍ടെല്‍ കുറച്ചു. അമേരിക്ക, ബ്രിട്ടണ്‍, യു.എ.ഇ, കാനഡ, സിംഗപൂര്‍ എന്നീ രാജ്യങ്ങളില്‍ നിന്നുമുള്ള കോളുകള്‍ക്ക് ഇനി മിനിറ്റിന് മൂന്ന് രൂപ മാത്രമേ ഈടാക്കുകയുള്ളൂ.
Post Your Comments