ഗള്‍ഫ് പണത്തിന്റെ ഒഴുക്ക് നിലയ്ക്കുന്നു

എൻആർഐ നിക്ഷേപത്തിൽ 276.5 കോടി ഡോളർ മാത്രമാണ് ഈ കാലയളവിൽ വളർച്ചയുണ്ടായിരിക്കുന്നത്. കഴിഞ്ഞ വർഷം 702.8 കോടി ഡോളർ വർധനയുണ്ടായിരുന്നു. സമീപകാലത്തതൊന്നും ഇത്തരത്തിൽ ഇടിവ് ഉണ്ടായിട്ടില്ല.

എൻആർഐ നിക്ഷേപത്തോടൊപ്പം എൻആർഇ നിക്ഷേപങ്ങളുടെ വർദ്ധനവിലും താഴ്ചയാണ് രേഖപെടുത്തിയിരിക്കുന്നയത്. 532.8 കോടി ഡോളറിൽനിന്ന് 289.1 കോടി ഡോളറിലേക്ക് താഴ്ന്നു. ഇവയ്ക്ക് പുറമെ എഫ്‌സിഎൻആർ( ഫോറിൻ കറൻസി നോൺ റസിഡന്റ്) നിക്ഷേപങ്ങൾ പിൻവലിക്കുന്നതും സാമ്പത്തികമായി സംസ്ഥാനത്തിനു നഷ്ടമുണ്ടാക്കുന്നു. യൂറോപ്പിലും അമേരിക്കയിലും മറ്റുമുള്ള പ്രവാസികളായ ഇവർ രൂപ ഇനിയും താഴുമെന്ന കണക്കുകൂട്ടലിലാണ് നിക്ഷേപങ്ങൾ പിൻവലിക്കുന്നതെന്ന് കണക്കാക്കുന്നു.

അടുത്ത മാസങ്ങളിൽ 2600 കോടി ഡോളറിന്റെ 2013ലെ എഫ്‌സിആർ നിക്ഷേപങ്ങൾ കാലാവധി പൂർത്തിയാക്കും. അതോടെ അവ പിൻവലിക്കപെടുമ്പോൾ ഡോളർ നല്കാൻ റിസർവ് ബാങ്കിനു വിദേശനാണ്യ ശേഖരത്തെ ആശ്രയിക്കേണ്ടിവരും. അതോടെ രാജ്യത്തെ സാമ്പത്തിക രംഗം തളർച്ച നേരിടുമെന്ന് ഉറപ്പായിരിക്കുകയാണ്.