കോപ്പറേറ്റീവ് ബാങ്കുകളിലും, കോപ്പറേറ്റീവ് സോസൈറ്റികളിലും നിക്ഷേപമുള്ളവര്‍ ശ്രദ്ധിക്കേണ്ട കാര്യങ്ങള്‍

ഇൻഫർമേഷൻ നെറ്റ്‌വർക്കിൽ ഉൾപ്പെടുത്തിയിരിക്കുന്ന വിവരങ്ങൾ അറിയാൻ WWW.Incometaxindia efiling.govt.in എന്ന വെബ്‌സൈറ്റിലെ ഫോറം 26 AS പരിശോധിക്കേണ്ടതാണ് .

ഭാരത സർക്കാർ ,ധനമന്ത്രാലയത്തിന്റെ 30-15-2015ലെ നോട്ടിഫിക്കേഷൻ പ്രകാരം വ്യക്തികൾ, സ്ഥാപനങ്ങൾ എന്നിവ നടത്തുന്ന സാമ്പത്തിക ഇടപാടുകൾ പൂർണ്ണമായും ആദായനികുതി വകുപ്പിന്റെ അറിവിൽ വരുന്നതാണ്.ഈ നോട്ടിഫിക്കേഷൻ പ്രകാരം പ്രഖ്യാപിത സഹകരണസ്ഥാപനങ്ങളിലെ ഇടപാടുകൾക്ക് പാൻ നിർബന്ധമാണ് .ഇതിൽ അമ്പതിനായിരം രൂപക്ക് മുകളിലുള്ള നിക്ഷേപങ്ങളും ഉൾപ്പെടും.കൂടാതെ ഒരുവർഷത്തിനുള്ളിൽ ഒന്നോ പല നിക്ഷേപങ്ങൾ ഒന്നിച്ചോ പത്തുലക്ഷം രൂപക്ക് മേൽ കടന്നാൽ ഈ സഹകരണസ്ഥാപനങ്ങൾ നിയമപ്രകാരം ആദായനികുതി വകുപ്പിനെ അറിയിക്കേണ്ടതാണ്.

നിക്ഷേപകർ അറിഞ്ഞിരിക്കേണ്ട കാര്യങ്ങൾ

1.ഓരോ വർഷത്തെയും പലിശവരുമാനം എത്രയാണെന്ന് കണക്കാക്കുക

2.റിട്ടേൺ ഫയൽ ചെയ്തിട്ടുണ്ടെങ്കിൽ പലിശ വരുമാനം Income from other sources എന്ന കോളത്തിൽ രേഖപെടുത്തിയിട്ടുണ്ടോ എന്ന് പരിശോധിക്കണം.ഇല്ല എങ്കിൽ അത് വെളിപ്പെടുത്താത്ത വരുമാനമാണ്.

3.നിക്ഷേപക തുകയുടെ സ്രോതസ്സ് കൃത്യമായി തെളിയിക്കാൻ കഴിയുന്നതാണോ എന്ന പരിശോധിക്കണം.ഇതിൽ വെളിപ്പെടുത്താതെ വരുമാനം ഉണ്ടെങ്കിൽ നിബന്ധനകൾക്ക് വിധേയമായി അത് ഫോറം 1 ൽ രേഖപ്പെടുത്തണം.വെളിപ്പെടുത്താതെ മറ്റേതെങ്കിലും വരുമാനം ഉണ്ടെങ്കിൽ അതും ഇതിനോടൊപ്പം ചേർക്കേണ്ടതാണ് .

4.വരുമാനം വെളിപ്പെടുത്തിക്കഴിഞ്ഞാൽ അതിന്റെ നാപ്പത്തഞ്ചു ശതമാനം നികുതിയായി നിശ്ചിത തീയതിക്കുള്ളിൽ അടക്കേണ്ടതാണ് .