55 ലക്ഷം കുഞ്ഞുങ്ങള്‍ വർഷത്തിൽ മരണമടയുന്നു

ഇങ്ങനെയുള്ള മൂന്ന് ലക്ഷം കുഞ്ഞുങ്ങളെയെങ്കിലും കൃത്യമായ ചികിത്സയും പരിചരണവും നൽകിയാൽ രക്ഷിക്കാൻ കഴിയുമെന്ന് യോഗ പ്രതിനിധികൾ ചൂണ്ടിക്കാട്ടുന്നു. അഞ്ച് ദിവസത്തോളം നീണ്ടു നിന്ന ലോകാരോഗ്യ സംഘടനാ പ്രതിനിധികളുടെ യോഗത്തിന്റെ പ്രധാന അജണ്ട മാതൃ-ശിശു മരണം, സിക്ക വൈറസിനെ പ്രതിരോധിക്കാനുള്ള പെട്ടെന്നുള്ള നടപടി, ലോകത്തെ വിവിധ ഭാഗങ്ങളിലെ പാവപ്പെട്ട കുടുംബങ്ങളിലെ കുഞ്ഞുങ്ങളെ ബാധിക്കുന്ന പകർച്ചവ്യാധിക്കെതിരെയുള്ള പ്രതിരോധ പ്രവർത്തനം എന്നിവയായിരുന്നു . കേന്ദ്ര ആരോഗ്യ മന്ത്രി ജെ.പി നെഡ്ഡ ഉൾപ്പടെ പതിനൊന്ന് രാജ്യങ്ങളിലെ ആരോഗ്യമന്ത്രിമാരാണ് യോഗത്തിൽ പങ്കെടുത്തത്.

ഇന്ത്യയടക്കമുള്ള അഞ്ച് രാജ്യങ്ങളിലാണ് കുഞ്ഞുങ്ങളുടെ മരണത്തിൽ പകുതിയോളം സംഭവിക്കുന്നത്. ഇന്ത്യ തന്നെയാണ് ഇതിൽ ഏറ്റവും മുന്നിൽ നിൽക്കുന്നതും.ഇന്ത്യയിൽ 7.79 ലക്ഷം കുഞ്ഞുങ്ങളാണ് ഓരോ വർഷവും മരിക്കുന്നത്. നൈജീരിയാണ് രണ്ടാം സ്ഥാനത്ത്. ഇവിടെ 2.76 ലക്ഷം കുഞ്ഞുങ്ങൾ മരിക്കുന്നതായി ചൂണ്ടിക്കാട്ടുന്നു. പാകിസ്താൻ (2.02 ലക്ഷം), ചൈന(1.57 ലക്ഷം), കോംഗോ(1.18 ലക്ഷം) എന്നിങ്ങനെയാണ് മറ്റ് രാജ്യങ്ങളുടെ കണക്ക്.