ശ്രീനഗര്‍: കാശ്മീരിൽ വീണ്ടും സംഘർഷം. സൈന്യവും പ്രകടനക്കാരും തമ്മിലുണ്ടായ ഏറ്റുമുട്ടലില്‍ ബാരാമുള്ള നദിഹാല്‍ സ്വദേശി ഡാനിഷ് മന്‍സൂർ കൊല്ലപ്പെട്ടു. ഇതോടെ കശ്മീരിലെ സംഘര്‍ഷത്തില്‍ മരിച്ചവരുടെ എണ്ണം 72 ആയി. ബാരാമുള്ളയില്‍ നടന്ന പ്രകടനം അക്രമാസക്തമായതിനെ തുടർന്ന് ഏറ്റുമുട്ടൽ ഉണ്ടാകുകയായിരുന്നു. സംഘര്‍ഷത്തില്‍ പരിക്കേറ്റ അഞ്ചു പേരില്‍ മൂന്ന് പേരെ ശ്രീനഗറിലെ ആശുപത്രിയില്‍ പ്രവേശിപ്പിച്ചു. ഇവരുടെ നില ഗുരുതരമാണ്.
കഴിഞ്ഞദിവസം കാശ്മീരിൽ കർഫ്യുവിന് ഇളവ് നൽകിയിരുന്നു. സംഘർഷാവസ്ഥയെത്തുടർന്ന് വീണ്ടും നിരോധനാഞ്ജ ഏര്‍പ്പെടുത്തിയിട്ടുണ്ട്. വീണ്ടുമുണ്ടായ സംഘർഷത്തെ തുടർന്ന് കാശ്മീരില്‍ നാലാം തീയതി സര്‍വ്വകക്ഷി സംഘം സന്ദര്‍ശനം നടത്തും.
Post Your Comments