ലോകത്തിലെ ഭീമന്‍ ഹോട്ടല്‍ വരുന്നു

സൗദി അറേബ്യയിലെ മെക്കയില്‍ പണി പുരോഗമിക്കുന്ന കെട്ടിടമാണ് അബ്രാജ് കുടായ്. 10000 കിടപ്പുമുറികളും, 70 ഭക്ഷണശാലകളും, 5 റൂഫ്‌ടോപ് ഹെലിപാഡുകളും ഉള്ള കെട്ടിടം 2017 ല്‍ പണി പൂര്‍ത്തിയാകുമ്പോള്‍ ലോകത്തിലെ ഏറ്റവും വലിയ ഹോട്ടലെന്ന ഖ്യാതി അബ്രാജ് കുടാ സ്വന്തമാക്കും. ഈ ഹോട്ടലിലെ മുകളിലെ 5 നിലകള്‍ സൗദി രാജകുടുംബത്തിന് വേണ്ടി മാറ്റി വെച്ചിരിക്കുകയാണ്. ലോകത്തിലെ ഏറ്റവും വലിയ താഴികകുടവും ഈ കെട്ടിടത്തിന് മുകളില്‍ ഒരുക്കിയിട്ടുണ്ട്. 4 സ്റ്റാര്‍ സൗകര്യങ്ങളുള്ള 10 ടവറുകളും 5 സ്റ്റാര്‍ സൗകര്യങ്ങളുള്ള 2 ടവറുകളും പൊതുജനങ്ങള്‍ക്കായി തുറന്നു കൊടുക്കും .4 മില്യണ്‍ സ്‌ക്വയര്‍ മീറ്റര്‍ വിസ്തീര്‍ണമുള്ള കെട്ടിടം 12 നീളന്‍ ടവറുകളിലായാണ് വ്യാപിച്ചു കിടക്കുന്നത്.