കൊച്ചി:പെരുമ്പാവൂര്‍ വെങ്ങോലയില്‍ എ.ടി.എം കവര്‍ച്ചാശ്രമം. ചൊവ്വാഴ്ച പുലര്‍ച്ചെ സൗത്ത് ഇന്ത്യന്‍ ബാങ്കിന്റെ എ.ടി.എമ്മിലാണ് കവര്‍ച്ചാശ്രമം നടന്നത്. എന്നാൽ പണം നഷ്ടമായിട്ടില്ല. മോഷ്ടാക്കള്‍ എ.ടി.എം കുത്തിപ്പൊളിക്കാന്‍ ശ്രമിച്ചുവെങ്കിലും പുറംഭാഗം മാത്രമാണ് പൊളിക്കാനായത്. സുരക്ഷാ അലാറം മുഴങ്ങിയതിനെ തുടർന്ന് വിവരം അറിഞ്ഞ് ബാങ്ക് അധികൃതരും സുരക്ഷാ ഉദ്യോഗസ്ഥരും സ്ഥലത്തെത്തുമ്പോഴേക്കും മോഷ്ടാക്കള്‍ രക്ഷപ്പെട്ടിരുന്നു .
പെരുമ്പാവൂര്‍ പോലീസ് ഉടന്‍ സ്ഥലത്തെത്തി പരിശോധന നടത്തി. മോഷ്ടാക്കളുടെ ദൃശ്യങ്ങള്‍ സി.സി.ടി.വി യില്‍ പതിഞ്ഞിരിക്കുമെന്ന നിഗമനത്തിലാണ് പോലീസ്.എന്നാല്‍ പണമൊന്നും നഷ്ടപ്പെട്ടില്ലെന്നും സി.സി.ടി.വി ദൃശ്യങ്ങള്‍ പരിശോധിച്ച ശേഷം മറ്റ് നടപടികൾ സ്വീകരിക്കുമെന്നും അധികൃതർ അറിയിച്ചിട്ടുണ്ട്.
Post Your Comments