ജാക്‌സണ്‍ : കന്യാസ്ത്രീകളെ കൊല്ലപ്പെട്ട നിലയില്‍ കണ്ടെത്തി. അമേരിക്കയിലാണ് സി. പോള്‍ മെര്‍ലി, സി. മാര്‍ഗരറ്റ് ഹെള്‍ഡ് എന്നീ കന്യസ്ത്രീകളെ മരിച്ച നിലയില്‍ കണ്ടെത്തിയത്. ഇരുവരും 30 വര്‍ഷമായി മിസിസിപ്പിയില്‍ നഴ്‌സുമാരായി ജോലി ചെയ്യുകയാണ്. മിസിസിപ്പിയിലെ പാവപ്പെട്ടവര്‍ക്കായി സഭ നടത്തുന്ന ക്ലിനിക്കിലായിരുന്നു ഇരുവരും ജോലി ചെയ്തിരുന്നത്.
വ്യാഴാഴ്ച പതിവു സമയത്ത് ഇരുവരും ജോലിക്ക് വരാതിരുന്നതിനെത്തുടര്‍ന്ന് അധികൃതര്‍ പോലീസില്‍ വിവരമറിയിക്കുകയായിരുന്നു. പോലീസാണ് വീട്ടില്‍ മൃതദേഹങ്ങള്‍ കണ്ടെത്തിയത്. മോഷണ ശ്രമത്തിനിടെയാണ് ഇരുവരും കൊല്ലപ്പെട്ടതെന്നാണ് പോലീസ് പറയുന്നത്. വെടിയേറ്റല്ല ഇരുവരും മരിച്ചതെന്ന് പറഞ്ഞ പോലീസ് മരണ കാരണം പുറത്തുവിട്ടിട്ടില്ല.
കന്യസ്ത്രീമാര്‍ ഉപയോഗിച്ചിരുന്ന കാര്‍ വീട്ടില്‍ നിന്ന് കാണാതായിരുന്നു. പിന്നീട് ഇത് സംഭവസ്ഥലത്തു നിന്നു ഒരു മൈല്‍ അകലെ ഉപേക്ഷിച്ച നിലയില്‍ കണ്ടെത്തി. സി. പോള്‍ സിസ്റ്റേഴ്സ് ഓഫ് ചാരിറ്റി ഓഫ് നസ്രത് സഭാംഗവും സി. മാര്‍ഗരറ്റ് സ്‌കൂള്‍ ഓഫ് സിസ്റ്റേഴ്സ് ഓഫ് സെന്റ് ഫ്രാന്‍സിസ് സഭാംഗവുമാണ്. സംഭവത്തെക്കുറിച്ച് അന്വേഷണം നടക്കുന്നതായി പോലീസ് പറഞ്ഞു.
Post Your Comments