റിയോ ഡി ജനീറോ :റിയോ ഒളിംപിക്‌സില്‍ അമേരിക്കന്‍ നീന്തല്‍ ഇതിഹാസം മൈക്കല്‍ ഫെല്‍പ്‌സിന് നാലാം സ്വര്ണം. ഒളിമ്പിക്സിൽ ഫെൽപ്സിന്റെ സ്വർണ നേട്ടം 22 ആയിരിക്കുകയാണ്. ഇതോടെ ഫെൽപ്സിന്റെ അകെ മെഡൽ നേട്ടം 26 ആയി ഉയർന്നിരിക്കുകയാണ്. 200 മീറ്റര്‍ വ്യക്തിഗത മെഡ്‌ലേ ഇനത്തിലാണ് മൈക്കല്‍ ഫെല്‍പ്‌സ് ഇന്ന് സ്വര്ണം നേടിയത്. നേരത്തെ നാല് ഗൂണം നൂറ് മീറ്റര്‍ ഫ്രീസ്റ്റൈല്‍ റിലേ, 200 മീറ്റര്‍ ബട്ടര്‍ഫ്ലൈ, നാല് ഗുണം 200 മീറ്റര്‍ ഫ്രീസ്റ്റൈല്‍ റിലേ എന്നീ ഇനങ്ങളിലും മൈക്കല്‍ ഫെല്‍പ്‌സ് സ്വര്ണം നേടിയിരുന്നു. ഇതോടെ ഫെൽ‌പ്സ് റിയോയിലെ സ്വർണ മൽസ്യമായി മാറിയിരിക്കുകയാണ് . ഇനി 100 മീറ്റര്‍ ബട്ടര്‍ഫ്ലൈ ഉള്‍പ്പടെയുള്ള രണ്ട് ഇനങ്ങളില്‍ ആണ് മൈക്കല്‍ ഫെല്‍പ്‌സ് മല്‍സരിക്കുന്നത് .
Post Your Comments