ഹൈദരാബാദ് : നവജാതശിശുക്കള്‍ക്കും ആധാര്‍ കാര്‍ഡ്. ഹാപ്പി ബേബീസ് തെലങ്കാന ബേബീസ് സ്‌കീമിനോട് അനുബന്ധിച്ച് ഈ മാസം അവസാനം മുതല്‍ നവജാതശിശുകള്‍ക്കും ആധാര്‍ കാര്‍ഡുകള്‍ വിതരണം ചെയ്യാന്‍ ഒരുങ്ങുന്നു. തെലങ്കാനയിലെ ഇരുപത്തിയഞ്ച് സര്‍ക്കാര്‍ ആശുപത്രികളാണ് ഇതിന് മുന്നിട്ട് ഇറങ്ങിയിരിക്കുന്നത്.
തെലങ്കാന ശിശു ആധാര്‍ പ്രോജക്ടിന്റെ ഭാഗമായും നവജാത ശിശുകള്‍ക്ക് ആധാര്‍ കാര്‍ഡ്, ജനന സര്‍ട്ടിഫിക്കറ്റ്, ആവശ്യമെങ്കില്‍ ജനന വൈകല്യ രജിസ്‌ട്രേഷനും സൗജന്യമായി ചെയ്തു കൊടുക്കും. ഇവ ഡിജിറ്റല്‍ലോക്കറിലായിരിക്കും സൂക്ഷിക്കുക. ആരോഗ്യ വകുപ്പിന് സഹായമാകുമെന്ന പ്രതീക്ഷയിലാണ് പുതിയ സ്‌കീം ആരംഭിച്ചിരിക്കുന്നത്. കുട്ടികള്‍ ജനിക്കുമ്പോള്‍ അവര്‍ക്ക് ലഭിക്കേണ്ട ആനുകൂല്യങ്ങള്‍ ലഭിക്കുന്നുണ്ടോ എന്ന് മനസിലാക്കാനും ഇത് മൂലം സാധിക്കുന്നു.
Post Your Comments