ഇടുക്കിയിൽ ഓടുന്ന ബസിൽ പത്ത് വയസുകാരനെ പീഡിപ്പിച്ചു : പ്രതി പിടിയിൽ

ഇടുക്കി: തൊടുപുഴ വണ്ണപ്പുറത്ത് സ്വകാര്യ ബസിൽ യാത്ര ചെയ്തിരുന്ന പത്തു വയസുള്ള ബാലനെ യുവാവ് പീ‍ഡിപ്പിച്ചതായ് പരാതി. പീഡനത്തെ തുടർന്ന് ദേഹാസ്വാസ്ഥ്യം അനുഭവപ്പെട്ട കുട്ടിയെ ആശുപത്രിയിൽ പ്രവേശിപ്പിച്ചു. തിരക്ക് കുറവായിരുന്ന ബസിൽ കുട്ടിയുടെ അടുത്ത് വന്നിരുന്ന യുവാവ് കുട്ടിയെ പരിചയപ്പെട്ടു. അതിനു ശേഷം ബലമായി പീഡിപ്പിക്കുകയായിരുന്നു. വീട്ടിൽ വന്ന കുട്ടി അസ്വസ്ഥനായിരിക്കുന്നത് കണ്ട് അമ്മ കാരണം തിരക്കിയപ്പോഴാണ് വിവരം പുറത്തറിയുന്നത്.

മറ്റുള്ളവരോട് പറയാൻ പേടിയായിരുന്നെന്നും അത് മൂലമാണ് പ്രതികരിക്കാതിരുന്നതെന്നും കുട്ടി പറഞ്ഞു. മൂത്രതടസവും മറ്റ് അസ്വസ്ഥതകളും ഉള്ള കുട്ടി ഇപ്പോഴും ചികിത്സയിലാണ്. കുട്ടിയുടെ അമ്മ നൽകിയ പരാതിയെതുടർന്ന് ഊറ്റുകണ്ണി കോളനിയിൽ നിന്ന് ബിനോയ് എന്ന ആളെ അറസ്റ്റ് ചെയ്തിട്ടുണ്ട്.ബസിൽ യാത്ര ചെയ്ത മറ്റ് ആളുകൾ പ്രതിയെ തിരിച്ചറിഞ്ഞിട്ടുണ്ട്.