കൊച്ചി: കേരള ബ്ലാസ്റ്റേഴ്സിന്റെ ഗോൾ കീപ്പറായി മുന്‍ ആര്‍സനല്‍ താരം ഗ്രഹാം ക്രിസ്റ്റഫര്‍ സ്റ്റാക്ക് ചുമതലയേൽക്കും. കേരളാ ബ്ലാസ്റ്റേഴ്സുമായുള്ള കരാറില്‍ ഗ്രഹാം സ്റ്റാക്ക് ഒപ്പുവച്ചുവെന്ന് ബ്ലാസ്റ്റേഴ്സ് ട്വിറ്റര്‍ അക്കൗണ്ടു വഴി പ്രഖാപിച്ചു. റിപ്പബ്ലിക് ഓഫ് അയർലഡിലെ നാഷണൽ അണ്ടർ 21ഫുട്ബോൾടീമിനുവേണ്ടി കളിച്ചിട്ടുള്ള സ്റ്റാക് 1998ൽ ആഴ്‍സണലിൽ ചേരുകയും 2000ൽ ആദ്യ പ്രൊഫഷണൽ കരാറിൽ ഒപ്പുവക്കുകയും ചെയ്തു .
മില്‍വാള്‍ എഫ്‌സി, റീഡിംഗ് എഫ്‌സി, ലീഡ്‌സ് യുണൈറ്റഡ് എഫ്‌സി, വോള്‍വര്‍ഹാംപ്ടണ്‍ എഫ്‌സി, തുടങ്ങിയ ക്ലബ്ബുകൾക്ക് വേണ്ടിയും സ്റ്റാക് കളിച്ചിട്ടുണ്ട്. എ-ലൈസൻസ് പ്ലേയറായ സ്റ്റാക് ഗോൾ കീപ്പർ കോച്ച് കൂടിയാണ്. പുതിയ ടീം അംഗങ്ങളോടൊപ്പം കളിക്കാൻ കാത്തിരിക്കുകയാണെന്നും കേരള ബ്ലാസ്റ്റേഴ്സിൽ അംഗമാകാൻ സാധിച്ചതിൽ സന്തോഷമുണ്ടെന്നും സ്റ്റാക് പറഞ്ഞു.
Post Your Comments