ഒളിംപിക് ദീപശിഖ തെളിയിക്കാന്‍ ഫുട്ബോൾ ഇതിഹാസം പെലെക്ക്ക്ഷണം. അന്താരാഷ്ട്ര ഒളിംപിക് കമ്മിറ്റിയാണ് പെലെയോട് ഈ ആവശ്യം ഉന്നയിച്ചിട്ടുള്ളത്. എന്നാല്‍ സ്പോണ്‍സര്‍മാരുടെ അനുവാദത്തോടെ മാത്രമേ ഇക്കാര്യത്തില്‍ തീരുമാനമെടുക്കാനാകൂ എന്ന് പെലെ കമ്മിറ്റിയെ അറിയിച്ചു . യു എസ് കമ്പനിയുമായി കരാറുളളതിനാല്‍ സ്പോണ്‍സര്‍മാരോട് ആലോചിച്ചു മാത്രമേ തീരുമാനമെടുക്കാനാകു എന്നാണ് പെലെ മറുപടി നൽകിയത്. ഉദ്ഘാടനചടങ്ങില്‍ പങ്കെടുക്കണമെങ്കില്‍ സ്പോണ്‍സര്‍മാര്‍ തീരുമാനിച്ച ഒരു ട്രിപ്പ് ഒഴിവാക്കേണ്ടിവരുമെന്നും ദീപശിഖ തെളിയിക്കുന്നതിൽ തനിക്ക് സന്തോഷമേയുള്ളൂ എന്നും പെലെ പറഞ്ഞു. പെലെയുടെ തീരുമാനം ഇന്ന് അറിയാൻ കഴിയും.
യു എന്‍ ആസ്ഥാനമായ ജനീവയില്‍ നിന്ന് എത്തിച്ച ദീപശിഖ ബ്രസീലിലെ വിവിധ നഗരങ്ങളില്‍ പ്രദക്ഷിണം നടത്തിയാണ് റിയോയിലെത്തുന്നത്. ഗ്വാനബാരയില്‍ വെച്ച് ദീപശിഖ റിയോ ഡി ജനീറോ മേയര്‍ എ‍ജ്യൂറോ പയസ്സിന് കൈമാറും. ഇതോടെ കായികമാമാങ്കത്തിന് തുടക്കം കുറിച്ച് ദീപശിഖ രണ്ട് ദിവസത്തിന് ശേഷം മാരക്കാന സ്റ്റേഡിയത്തില്‍ തെളിയും
Post Your Comments