തിരുവനന്തപുരം: മദ്യലഹരിയില്‍ സിറ്റി ഡിപ്പോയിലെ മെക്കാനിക് ഷിബു മുങ്ങിയത് കെ.എസ്. ആർ. ടി.സി ബസുമായി. ബസ് റൂട്ടില്ലാത്ത റോഡിലൂടെ കെഎസ്ആര്ടിസി ബസ് കണ്ട് ഫോര്‍ട്ട് പോലീസ് സംഘം ഇയാളെ പിന്തുടര്‍ന്ന് പിടികൂടുകയായിരുന്നു.
ഷിബുവിനെ നേരത്തെ കെ. എസ്. ആർ. ടി.സിയിൽ നിന്നും സസ്‌പെൻഡ് ചെയ്തിരുന്നു. തുടർന്ന് ആനുകൂല്യങ്ങൾ വേണമെന്ന് ഇയാൾ ആവശ്യപ്പെട്ടെങ്കിലും ലഭിച്ചില്ല. ഇതിനെ തുടർന്നാണ് ബസ് മോഷ്ടിച്ചതെന്നാണ് ഇയാൾ പൊലീസിന് നൽകിയ മൊഴി.
ഞാറാഴ്ച രാത്രിയാണ് സംഭവം നടന്നത്. ജോലി കഴിഞ്ഞിട്ടും വീട്ടില്‍പോകാതെ ഡിപ്പോയുടെ പരിസരത്ത് ഇയാള്‍ ചുറ്റിപ്പറ്റി നില്‍ക്കുകയും രാത്രി ആയതോടെ ബസില്‍ കയറി ഓടിച്ച് പോവുകയായിരുന്നു. ദുരൂഹ സാഹചര്യത്തില്‍ ബസ് പോകുന്നത് കണ്ട ഫോര്‍ട്ട് പോലീസ് പെട്രോളിംഗ് സംഘത്തിന് വിവരം നല്‍കി. പത്മവിലാസം റോഡില്‍ പരിശോധന നടത്തിയിരുന്ന ഇവർ ബസ് തടഞ്ഞ്‌ പരിശോധിച്ചപ്പോളാണ് മോഷണ വിവരം പുറത്തായത്.
Post Your Comments