ശ്രീനഗര്‍: ജമ്മുകശ്മീരിലെ കുപ്‌വാരയില്‍ നുഴഞ്ഞു കയറ്റ ശ്രമം തടയുന്നതിനിടെയുണ്ടായ ആക്രമണത്തില്‍ രണ്ട് ജവാന്മാരും സൈന്യത്തിന്റെ പ്രത്യാക്രമണത്തില്‍ രണ്ട് തീവ്രവാദികളും കൊല്ലപ്പെട്ടു . സംഭവത്തില്‍ ഒരു ജവാന് പരിക്കേറ്റതായും സൈനിക വക്താവ് അറിയിച്ചു.
അര്‍ധരാത്രിയോടെയാണ് നുഴഞ്ഞു കയറ്റ ശ്രമം ആരംഭിച്ചത്. തുടര്‍ന്ന് തീവ്രവാദികള്‍ക്കെതിരെ സൈന്യം ആക്രമണം നടത്തുകയായിരുന്നു. കൂടുതല്‍ നുഴഞ്ഞുകയറ്റക്കാര്‍ ഉണ്ടാകാനുള്ള സാധ്യത കണക്കിലെടുത്ത് പ്രദേശത്ത് ഇപ്പോഴും സൈന്യം തെരച്ചില്‍ തുടരുകയാണ്.
Post Your Comments