ഷോപ്പിംഗ് മാളില്‍ സാധനങ്ങള്‍ വാങ്ങാനെത്തിയ സ്ത്രീയെ പിന്തുടരുകയും ശല്യപ്പെടുത്തുകയും ചെയ്ത ആള്‍ ക്യാമറയില്‍ കുടുങ്ങി. ദുബായിലെ ഒരു പ്രമുഖ മാളിലെ തന്നെ മാനേജരും ടര്‍ക്കി സ്വദേശിയുമായ 48കാരനെതിരെയാണ് 40കാരിയായ ഓസ്‌ട്രേലിയന്‍ വനിത പരാതി നല്‍കിയത്. ആദ്യം കോടതിയില്‍ ആരോപണം നിഷേധിച്ചെങ്കിലും ക്യാമറാ ദൃശ്യങ്ങള്‍ ഇയാളെ കുടുക്കുകയായിരുന്നു.
ഹൈപ്പര്‍ മാര്‍ക്കറ്റില്‍ നിന്നു സാധനങ്ങള്‍ എടുക്കുമ്പോഴും ബില്ലു ചെയ്യുമ്പോഴും ഫാര്‍മസിയില്‍ വെച്ചും കാറിനു സമീപത്തു വെച്ചും ഇയാള്‍ ശല്യപ്പെടുത്തുന്നതിന്റെ ദൃശ്യങ്ങള്‍ ക്യാമറയിലുണ്ട്. താന്‍ കാറില്‍ കയറുമ്പോള്‍ തന്നെ സ്പര്‍ശിച്ചതായി യുവതി പരാതിയില്‍ പറയുന്നു. തുടര്‍ന്ന് ഇവര്‍ ജാബല്‍ അലി പോലീസില്‍ പരാതി നല്‍കിയതോടെ വീഡിയോ ദൃശ്യങ്ങള്‍ പരിശോധിച്ച് പ്രതിയെ കണ്ടെത്തുകയായിരുന്നു. അതേസമയം താന്‍ ഇവരെ സഹായിക്കാന്‍ ശ്രമിക്കുകയായിരുന്നു എന്ന നിലപാടിലാണ് ഇയാള്‍.
Post Your Comments