കോഴിക്കോട് : വേശ്യയെന്ന രീതിയില്‍ യുവതിയുടെ ഫോട്ടോയും ഫോണ്‍നമ്പറും വാട്ട്‌സ്ആപ്പില്‍ പ്രചരിപ്പിച്ച യുവാവ് അറസ്റ്റില്‍. തിരുവമ്പാടി പുല്ലൂരാംപാറ പൊന്നാങ്കയം ലിജോ ജോസഫിനെയാണ് ചേവായൂര്‍ എസ്‌ഐയും സംഘവും അറസ്റ്റ് ചെയ്തത്.
വെള്ളിമാടുകുന്നില്‍ വാടകയ്ക്കു താമസിക്കുന്ന മുപ്പതുകാരിയെയാണ് ഇയാള്‍ വേശ്യയായി ചിത്രീകരിച്ചത്. ലിജോയുടെ കാമുകിയുമായി ശത്രുതയുള്ള ഇവരോടുവിരോധം തീര്‍ക്കുകയായിരുന്നു ലക്ഷ്യം. യുവതിയുടെ ഫേസ്ബുക്ക് പ്രൊഫൈലില്‍ നിന്നു ഫോട്ടോ കോപ്പി ചെയ്‌തെടുത്തായിരുന്നു പ്രചാരണം.
വാട്‌സ്ആപ്പ് ഗ്രൂപ്പുകളില്‍ ഫോട്ടോയും ഫോണ്‍നമ്പറും വന്നതോടെ യുവതിക്കു നിരന്തരം ഫോണ്‍കോളുകള്‍ വരാന്‍ തുടങ്ങി. തുടര്‍ന്ന് ഇവര്‍ ചേവായൂര്‍ പോലീസില്‍ പരാതി നല്‍കുകയായിരുന്നു.
Post Your Comments