തിരുവനനന്തപുരം ● വിവിധ ആവശ്യങ്ങള്‍ക്കായി തിരുവനന്തപുരത്ത് എത്തുന്ന യുവജനങ്ങള്‍ക്ക് താമസിക്കുന്നതിനും വിശ്രമിക്കുന്നതിനും കഴക്കൂട്ടം ഗ്രീന്‍ഫീല്‍ഡ് സ്റ്റേഡിയത്തിന് സമീപം യുവസങ്കേത്-യുവജന സഹവാസ പരിശീലന കേന്ദ്രം തുടങ്ങി. സംസ്ഥാന യുവജനക്ഷേമ ബോര്‍ഡ്, നെഹ്‌റു യുവകേന്ദ്ര എന്നിവയുടെ അഫിലിയേഷനുള്ള യുവവികാസ് കേന്ദ്രയാണ് നേതൃത്വം നല്‍കുന്നത്. 150 പേര്‍ക്ക് താമസിക്കാനുള്ള ഡോര്‍മിറ്ററി, മുറികള്‍, സെമിനാര്‍ ഹാളുകള്‍, ലൈബ്രറി എന്നിവയും വൈ-ഫൈ സൗകര്യവുമുണ്ട്. . ഹ്രസ്വ – ദീര്‍ഘ കാലയളവില്‍ യുവജനങ്ങള്‍ക്ക് താമസിക്കാം. www.keralayouthhtosel.com എന്ന വെബ്‌സൈറ്റിലൂടെ നേരിട്ട് ബുക്കു ചെയ്യാം. വിശദ വിവരങ്ങള്‍ 9496919000 എന്ന നമ്പരില്‍ ലഭിക്കും. ഇതിനോടൊപ്പം വനിതകള്‍ക്കും കുട്ടികള്‍ക്കും യോഗ, കരാട്ടെ, റോളര്‍ സ്‌കേറ്റിങ് പരിശീലന കേന്ദ്രവും തുടങ്ങും.
Post Your Comments