റിലയന്‍സ് ലൈഫ് എര്‍ത്ത് 2 സ്മാര്‍ട്ട് ഫോണ്‍ + വിപണിയില്‍

കൊച്ചി ● 27 ജൂണ്‍ 2016, റിലയന്‍സ് ലൈഫ് ശ്രേണിയിലുള്ള എര്‍ത്ത് -2 സ്മാര്‍ട് ഫോണ്‍ + ഇന്ത്യന്‍ വിപണിയിലിറക്കി. മുംബൈയില്‍ നടന്ന ചടങ്ങില്‍ പ്രശ്‌സത നടി പ്രിയങ്ക ചോപ്ര അഭിനയിച്ച് എര്‍ത്ത് 2 വിന്റെ പരസ്യചിത്രത്തോടെയാണ് റിലയന്‍സിന്റെ അള്‍ട്രാ പ്രീമിയം സ്മാര്‍ട് ഫോണ്‍ ഔദ്യോഗികമായി വിപണിക്ക് പരിചയപ്പെടുത്തിയത്.

ശബ്ദ സഹായത്തോടെ പ്രവര്‍ത്തിപ്പിക്കാവുന്ന ക്യാമറയാണ് പുതിയ സ്മാര്‍ട് ഫോണിന്റെ പ്രത്യേകത. യഥാര്‍ത്ഥ വോള്‍ട്ടി 4 ജി അനുഭവങ്ങള്‍ നല്‍കുന്ന എര്‍ത്ത് -2 സ്മാര്‍ട് ഫോണ്‍ ടെക്‌നോളജിയിലെ മികവിനോടൊപ്പം രൂപകല്പനയിലും പുതുമ നിലനിര്‍ത്തുന്നുതാണെന്ന് റിലയന്‍സ് റീടെയില്‍ പ്രസിഡന്റ് സുനില്‍ ദത്ത് പറഞ്ഞു. സ്മാര്‍ട് ക്യാമറ, സ്മാര്‍ട് സ്‌ക്രീന്‍, സ്മാര്‍ട് സെന്‍സര്‍, സ്മാര്‍ട് സെക്യൂരിറ്റി തുടങ്ങിയ സൗകര്യങ്ങളോടുകൂടിയ എര്‍ത്ത് 2 സ്മാര്‍ട് ഫോണ്‍ + ഫോട്ടോ ഗ്രാഫിക്ക് ഏറ്റവും അനുയോജ്യമായ സാഹചര്യമൊരുക്കും.

13 മെഗാ പിക്‌സല്‍ മുന്‍,പിന്‍ ക്യാമറ സൗകര്യമാണ് എര്‍ത്ത് 2 വിനുള്ളത്. മുന്‍ ക്യാമറക്ക് ഫ്‌ളാഷ് സൗകര്യമുണ്ട്. ലേസര്‍ ഓട്ടോ ഫോക്കസ് സംവിധാനമുള്ള പിന്‍ക്യാമറയ്ക്ക് 0.1 സെക്കന്റിനുള്ളില്‍ ഫോക്കസ് ചെയ്യാന്‍ സാധിക്കും. പ്രോ-മോഡില്‍ പ്രഫഷണല്‍ ഫോട്ടോഗ്രാഫി സംവിധാനവും എര്‍ത്ത്-2 സ്മാര്‍ട് ഫോണ്‍ + ഒരുക്കുന്നു. ശബ്ദ സഹായത്തോടെ സെല്‍ഫി സംവിധാനത്തിലേക്കും തിരികെയും മാറാമെന്നുള്ള പ്രത്യേകതയാണ് ഈ ഫോണിനെ മറ്റുള്ളവയില്‍ നിന്നും വിഭിന്നമാക്കുന്നത്. സ്‌മൈല്‍, സെല്‍ഫി, ക്യാപ്ചര്‍ തുടങ്ങിയ നിര്‍ദ്ദേശങ്ങള്‍ പറഞ്ഞാല്‍ ചിത്രം ക്ലിക്കാകും. ക്ലിക് ചെയ്ത ചിത്രം ആനിമേഷന്‍ ആക്കാനുള്ള ജിഫ് മോഡും പുതിയ ഫോണിനുണ്ട്. ഹൈഡെഫനിഷന്‍ മോഡില്‍ വീഡിയോ എടുക്കാമെന്നതാണ് മറ്റൊരു പ്രത്യേകത.

നേര്‍ത്ത അലുമിനിയം ഫ്രെയമോടുകൂടിയ 5 ഇഞ്ച് വലിപ്പമുള്ള 2.5ഡി ഗ്ലാസ് സ്‌ക്രീന്‍ ചലന ദൃശ്യങ്ങളെ ആസ്വാദ്യകരമാക്കുന്നു. കറുപ്പ്, വെളുപ്പ്, പച്ച, ഗോള്‍ഡന്‍ നിറങ്ങളില്‍ ലഭ്യമാകുന്ന എര്‍ത്ത് 2 വിന്റെ ഗൊറില്ല ഗ്ലാസ് ആവരണം പോറലുകള്‍ ഏല്‍ക്കാത്തതാണ്. റെറ്റിന അണ്‍ലോക്ക്, ഫിംഗര്‍ പ്രിന്റ് സെന്‍സര്‍ തുടങ്ങിയ സെക്യൂരിറ്റി സംവിധാനം മറ്റ് പ്രത്യേകതകളാണ്. 32 ജി ബിയാണ് ഇന്‍ന്റേണല്‍ മെമ്മറി. 2500 ാഅഒ ബാറ്ററി സപ്പോര്‍ട്ട്, വീഡിയോ കോളിംഗ്, മള്‍ട്ടി പാര്‍ട്ടി വോയിസ്, വീഡിയോ കോണ്‍ഫറന്‍സിംഗ് തുടങ്ങിയ സംവിധാനങ്ങളും എര്‍ത്ത് – 2നെ മികച്ച സ്മാര്‍ട് ഫോണ്‍ ശ്രേണിയിലേക്ക് ഉയര്‍ത്തുന്നു.

പ്രിയങ്കാ ചോപ്ര അവതരിപ്പിക്കുന്ന ടിവി, റേഡിയോ, ഡിജിറ്റല്‍ പരസ്യങ്ങല്‍ ഉടന്‍ പുറത്തിറങ്ങും. ധര്‍മ്മാ പ്രൊഡക്ഷന്‍സിന്റെ ബാനറില്‍ പുനിത് മല്‍ഹോത്ര സംവിധാനം ചെയ്യുന്ന ‘റിംഗ് റിംഗാ ‘കൊമേഴ്‌സിയല്‍, എര്‍ത്ത് – 2 സ്മാര്‍ട്‌ഫോണ്‍ + വിപണിയില്‍ പുതിയ തരംഗങ്ങള്‍ സൃഷ്ടിക്കുമെന്നാണ് റിലയന്‍സിന്റെ പ്രതീക്ഷ.